ރާއްޖޭގައި މައި އެއާޕޯޓް، ވެލާނާ އިންޓަނޭޝަނަލް އެއާޕޯޓް (ވީއައިއޭ)ގައި ތަރައްގީކޮށްފައިވާ އާ ރަންވޭ ބޭނުންކުރަން ފެށުމުގެ ގޮތުން 6 އޮކްޓޯބަރު 2022 ވަނަ ދުވަހު ބޭއްވި ރަސްމިއްޔާތު. (ދައުރު ފޮޓޯ/އަބްދުﷲ ޔަޝާއު)
10 އަހަރަށް ފަހު އެމްޔޫ މަނިކު އެމްއޭސީއެލްގެ ޗެއާމަންގެ މަގާމުން އިސްތިއުފާ ދެއްވައި، ސިޓީ ފޮނުއްވައިފި
ޔުނިވާސަލް އެންޓަޕްރައިސްސްގެ ޗެއާމަން މުހައްމަދު އުމަރު މަނިކު (އެމްޔޫ މަނިކު) އެމްއޭސީއެލްގެ ޗެއާމަންގެ މަގާމުން އިސްތިއުފާ ދެއްވުމަށް ސިޓީ ފޮނުއްވާފައިވާކަން 'ދައުރު'އަށް ކަށަވަރުވެއްޖެ އެވެ.
ތަފްސީލު - މިކަމުގެ މައުލޫމާތު އެނގޭ މީހަކު 'ދައުރު'އަށް މައުލޫމާތު ދެއްވަމުން ވިދާޅުވީ، މުހައްމަދު މަނިކު މަގާމުން އިސްތިއުފާ ދެއްވުމަށް ސިޓީ ފޮނުވީ މިދިޔަ ހަފްތާގެ ތެރޭގައި ކަމަށެވެ.
މުހައްމަދު މަނިކު އިސްތިއުފާ ދެއްވީ، މީގެ ކުރިން އެމްއޭސީއެލްގެ ވަޒީފާއިން ވަކިކޮށްފައި ތިބި ދެ މުވައްޒަފަކަށް އަލުން ވަޒީފާ ދިނުމުން އެކަމާ ހިތްހަމަޖެހިވަޑައިނުގަންވާތީ ކަމަށްވެ އެވެ. އެ މީހުންނަށް ވަޒީފާ ދިނުމުގެ ކުރިން އެ މައްސަލަ މުހައްމަދު މަނިކު ވަނީ ކަމާ ބެހޭ ފަރާތްތަކުގެ ސަމާލު ކަމަށް ގެންނަވައިފަ އެވެ. ނަމަވެސް އެކަމަށް އިހުތިރާމު ނުކޮށް އެ މީހުންނަށް ވަނީ އަލުން ވަޒީފާ ދީފަ އެވެ.
މުހައްމަދު މަނިކު ބޯޑު ޗެއާމަން ކަމުން ވަކިވެވަޑައިގަތުމަށް ސިޓީ ފޮނުއްވިއަސް، އޭނާގެ އިސްތިއުފާ ގަބޫލު ކުރައްވައި އެކަން އަންގާފައެއް ނުވެ އެވެ. އަދި އެމްއޭސީއެލްގެ ބޯޑު ޗެއާމަނަކަށް އިތުރު ބޭފުޅަކު އައްޔަން ވެސް ކޮށްފައެއް ނުވެ އެވެ.
'ދައުރު'އަށް މައުލޫމާތު ދެއްވި ބޭފުޅާ ވިދާޅުވީ މުހައްމަދު މަނިކުގެ އިސްތިއުފާ ގަބޫލު ނުކުރިއަސް، އޭނާ ދެން އެ މަގާމު ގަބޫލެއް ނުކުރައްވާނެ ކަމަށެވެ.
އެނގުން މުހިންމު - މުހައްމަދު މަނިކު އެމްއޭސީއެލްގެ ޗެއާމަންގެ މަގާމަށް އައްޔަންކުރެއްވީ ޖޫން 2013ގަ އެވެ.
ކޮމެންޓް (9)
ބޫހޫ
އައްޑާ
އަޅި އަލީ
ތެފައާސާ.
މަނިކުބޭ
ކަޯބޭ
ކޮސް
ކަލޯ
ސަލީމް