100 ކިލޯ ޑްރަގް މައްސަލައިގައި ބަންދުކުރި މީހުން (ފޮޓޯ/ ޕޮލިސް)
100 ކިލޯ ޑްރަގް: ބަންދުކުރި 8 މީހުންގެ ވަނަވަރު އާންމުކޮށްފި
ފުލުހުން ހިންގި ބޮޑު އޮޕަރޭޝަނެއްގައި އަތުލައިގަތް 100 ކިލޯގެ މަސްތުވާތަކެއްޗާ ގުޅިގެން ހައްޔަރުކުރި އަށް މީހުންގެ ވަނަވަރު އާންމުކޮށްފި އެވެ.
ވީ ކިހިނެއް؟ - މި މަހުގެ 13 ގައި އެ މަސްތުވާތަކެތި އަތުލައިގަތީ ރާއްޖެއަށް ކަނޑުމަގުން އެ ތަކެތި އެތެރެކުރަން އުޅޭ ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ޑްރަގް އެންފޯސްމަންޓް ޑިޕާޓްމަންޓާއި ޑްރަގް އިންޓެލިޖެންސް ޔުނިޓާއި މެރިން ޕޮލިސް ގުޅިގެން ހިންގި އޮޕަރޭޝަނެއްގަ އެވެ.
ތަފްސީލް - އެ މައްސަލައިގައި 10 މީހަކު ހައްޔަރުކުރި ނަމަވެސް ކޯޓުން ވަނީ ދެ މީހަކު ދޫކޮށްލައިފަ އެވެ. ފުލުހުން ވަނީ އެ މައްސަލައާ ގުޅިގެން މިހާރު ބަންދުގައި ތިބި މީހުންގެ ވަނަވަރު އާންމުކޮށްފަ އެވެ. އެއީ:
-
ޖުމާން މުސްއަފާ (19އ.): ނ. ވެލިދޫ، ބީޗްހެވެން
-
އިބްރާހީމް ޒައިދު ހަބީބު (25އ): ގއ. ކޮލަމާފުށި، ސޯސަންގެ
-
މުހައްމަދު އަހްމަދު (34އ): ލ. ކަލައިދޫ، ޖަނަވަރީމާގެ
-
އިބްރާހީމް ސިނާނު (24އ): ހދ. ކުމުންދޫ، ޑިއާފުރެންޑް،
-
މުހައްމަދު ހުސައިން (61އ): ދ. ބަނޑިދޫ، ޕޮލަރިސް،
-
އެމްޑީ ރަފީގުލް އިސްލާމް (35އ): ބަންގްލަދޭޝް
-
ޑީއެމް މޮބިން (24އ): ބަންގްލަދޭޝް
-
މިދުހަތު އިބްރާހީމް (26އ): ގއ. ދެއްވަދޫ، ދޭލިޔާގެ
މި މީހުން ހައްޔަރުކުރި އޮޕަރޭޝަންގައި ރާއްޖޭގެ ބައެއް ފަޅުރަށްރަށާއި ހުޅުމާލެ އާއި މާލެ އާއި މާލޭގެ ބައެއް ގޭގޭގެ އިތުރުން ސަފާރީއަކާއި ލޯންޗެއް ފުލުހުން ބަލައި ފާސްކުރި އެވެ. އެގޮތުން، 100 ކިލޯއަށް ވުރެ ގިނަ މަސްތުވާތަކެތި ހޯދާފައިވަނީ ފަޅުރަށެއް ކަމަށްވާ އދ. ބޮޑުކާށިހުރާގައި ފޮރުވާފައި ހުއްޓަ އެވެ.
އެނގުން މުހިންމު - މި މައްސަލައިގައި ކޯޓުން ދޫކޮށްލި ދެ މީހުންނަކީ ރާއްޖެއަށް މަސްތުވާތަކެތި އެތެރެކުރުމުގައި އިސްކޮށް އުޅުނު ކަމަށް ތުހުމަތު ކުރެވޭ ދެ މީހުންނެވެ. އެ މީހުން ދޫކޮށްލި މައްސަލަ އިސްތިއުނާފުކޮށްދިނުމަށް ޕްރޮސެކިއުޓާ ޖެނެރަލްގެ އޮފީހުގައި ފުލުހުން ވަނީ އެދިފަ އެވެ.
ގުޅުންހުރި - މި އޮޕަރޭޝަންގެ އިތުރުން، މިފަހުން ފުލުހުން ހިންގި ބޮޑު އޮޕަރޭޝަނެއްގައި 215 ކިލޯގެ މަސްތުވާތަކެތި އަތުލައިގަނެ، ދެ މީހަކު ވަނީ ހައްޔަރުކޮށްފަ އެވެ.
އިތުރަށް ކިޔާލަން -