100 ކިލޯގެ ޑްރަގް މައްސަލައިގައި ބަންދުގައި ތިބި މީހުން: (ފޮޓޯ/ ޕޮލިސް)
100 ކިލޯ ޑްރަގު މައްސަލައިގެ ތަހުގީގު ނިންމަން ޕީޖީން އިތުރު މުއްދަތެއް ދީފި
އދ. ބޮޑުކާށިހުރާ ކިޔާ ފަޅުރަށެއްގައި ފޮރުވާފައި ހުއްޓާ ފުލުހުން ހޯދި 100 ކިލޯގެ ޑްރަގުގެ މައްސަލައިގައި ތުހުމަތުކުރެވޭ މީހުންގެ ތަހުގީގު ނިންމުމަށް، ޕްރޮސެކިއުޓާ ޖެނެރަލް (ޕީޖީ)ގެ އޮފީހުން އިތުރު މުއްދަތެއް ދީފި އެވެ.
މައްސަލައިގެ ފެށުން - ރާއްޖެއަށް ކަނޑުމަގުން މަސްތުވާތަކެތި އެތެރެކުރަން އުޅޭ ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން މިދިޔަ މަހުގެ 13ގައި ހިންގި އެ އޮޕަރޭޝަންގައި ފުރަތަމަ 10 މީހުން ހައްޔަރުކުރި އެވެ. ނަމަވެސް، މިހާރު ބަންދުގައި ތިބީ ފަސް މީހުންނެވެ.
އެ މައްސަލައިގައި މިހާރު ބަންދުގައި ތިބި މީހުންނަކީ:
-
ޖުމާން މުސްތަފާ (19އ.): ނ. ވެލިދޫ، ބީޗްހެވެން
-
މުހައްމަދު އަހްމަދު (34އ): ލ. ކަލައިދޫ، ޖަނަވަރީމާގެ
-
މުހައްމަދު ހުސައިން (61އ): ދ. ބަނޑިދޫ، ޕޮލަރިސް
-
އެމްޑީ ރަފީގުލް އިސްލާމް (35އ): ބަންގްލަދޭޝް
-
ޑީއެމް މޮބިން (24އ): ބަންގްލަދޭޝް
އެނގުން މުހިންމު - ގާނޫނު ބުނާ ގޮތުން، ޖިނާއީ ކުށެއްގެ ތުހުމަތުކުރެވޭ މީހަކު ފަނޑިޔާރެއްގެ ކުރިމައްޗަށް ފުރަތަމަ ހާޒިރުކުރެވޭތާ 30 ދުވަހުގެ ތެރޭގައި އޭނާގެ މައްޗަށް ޕީޖީ ދައުވާ އުފުލަން ވާނެ އެވެ. ނަމަވެސް ތުހުމަތުކުރެވޭ ކުށަކީ ޖިނާއީ ބޮޑު ކުށެއް ކަމަށް ވެފައި، އެ މައްސަލައިގެ ބާވަތުން އެ މުއްދަތުގެ ތެރޭގައި މައްސަލައިގެ ތަހުގީގު ފުރިހަމަކުރެވިދާނެ މައްސަލައެއް ކަމަށް ނުވާ ނަމަ، ތަހުގީގު ފުރިހަމަކުރުމަށް މުއްދަތު އިތުރުކޮށްދިނުމަށް އެދި ސަބަބު ބަޔާންކޮށް ޕީޖީއަށް ހުށަހެޅޭނެ އެވެ. އަދި ޕީޖީއަށް އެ މުއްދަތު އިތުރުކޮށްދެވޭނެ އެވެ.
ވީ ކިހިނެއް؟ - މި މައްސަލަ ތަހުގީގުކުރުމުގެ މުއްދަތު ޕީޖީން އިތުރުކޮށްދީފައި ވަނީ އަންނަ މަހުގެ 11އާ ހަމައަށެވެ.
ތުހުމަތުވާ މީހުންނާ ދެކޮޅަށް ގިނަ ހެކިތަކެއް
މައްސަލައިގައި މިހާރު ބަންދުގައި ތިބި ފަސް މީހުންގެ ބަންދާ މެދު ގޮތެއް ނިންމަން އިއްޔެ ވަނީ ކްރިމިނަލް ކޯޓަށް ހާޒިރުކޮށްފަ އެވެ. އެ މީހުންގެ ތެރެއިން އެމްޑީ ރަފީގުލް އިސްލާމް ފިޔަވައި ދެން ތިބި ހަތަރު މީހުންގެ ބަންދަށް އިއްޔެ ކޯޓުން ވަނީ 14 ދުވަސް ދީފަ އެވެ. އެމްޑީ ރަފީގުލް އިސްލާމްގެ ބަންދަށް ކޯޓުން ދިނީ ތިން ދުވަހެވެ.
ޖުމާން މުސްތަފާ، މުހައްމަދު އަހްމަދު، މުހައްމަދު ހުސައިންއާ ދެކޮޅަށް ހުރި ހެކި:
-
މަސްތުވާތަކެތި ބަލާ ދިޔަ ކަމަށް ތުހުމަތު ކުރެވޭ ސަފާރީގައި ދަތުރުކުރި ކަމާއި ބޯޓަކާ ކައިރިކޮށް ސަފާރީއަށް ފަސް ގޯނި އެރުވި މަންޒަރު ފެނުނު ކަމަށް ބުނާ ދެ މީހެއްގެ ބަޔާން
-
ކޯލް ޗާޓުން، މައްސަލައިގައި ތުހުމަތުކުރެވޭ މީހުންނާ ގުޅާފައިވާކަން އެނގޭ ކުށުގެ ރެކޯޑު އެބައޮތް
އެމްޑީ ރަފީގުލް އިސްލާމްއާ ދެކޮޅަށް ހުރި ހެކި:
-
މަސްތުވާތަކެތި ބޮޑުކާށިހުރާއަށް ގެންދިޔަ ލޯންޗުގައި ދަތުރުކުރިކަން އަންގައިދޭ ހެކި
-
ލޯންޗު ދަތުރުކުރި ގޮތުގެ ތަފްސީލް
-
އެކަމާ ގުޅޭ ފޮޓޯ ރިޕޯޓެއް ހުށަހެޅި
-
ރާއްޖޭގައި އުޅެނީ ސައްހަ ވިސާއަކު ނޫން
ޑީއެމް މޮބިންއާ ދެކޮޅަށް ހުރި ހެކި:
-
މަސްތުވާތަކެތި ބަލާ ދިޔަ ކަމަށް ބުނާ ސަފާރީގައި ދަތުރުކުރިކަން
-
އޭނާއަކީ ސަފާރީގެ ކްރޫއެއް
-
ކޯލް ޗާޓުން މައްސަލައިގައި ދެން ތުހުމަތުކުރެވޭ މީހުންނާ ގުޅިކަން އެނގޭ
-
ރާއްޖޭގައި އުޅެނީ ސައްހަ ވިސާއަކު ނޫން
އިތުރަށް ކިޔާލަން -