އޭ ލެވެލް ނިންމި ކުދިންނަށް ވިލާގެ ކޯސްތަކަށް ކުރިމަތިލާން ފުރުސަތު

އޭ ލެވެލް ނިިންމި ދަރިވަރުންނަށް ފުރުސަތު ދިނުމަށް، ވިލާ ކޮލެޖުގެ ޖެނުއަރީ އިންޓޭކަށް ކުރިމަތިލުމުގެ މުއްދަތު އިތުރުކޮށްފި އެވެ.

ވީ ކިހިނެއް؟ - އެ ކޮލެޖުން ބުނީ އޭ ލެވެލް އިމްތިހާނުގެ ނަތީޖާ މިއަދު ލިބެން ފަށާފައިވާއިރު، އޭ ލެވެލް ނިންމާ، ނަތީޖާ ލިބުނު ގިނަ ދަރިވަރުންތަކެއް އެ ކޮލެޖާ ގުޅެން އެދެމުން އަންނަ ކަމަށެވެ.

ތަފްސީލް - ވިލާ ކޮލެޖުގެ ޖެނުއަރީ އިންޓޭކަށް ކުރިމަތިލުމުގެ މުއްދަތު އިތުރުކުރި ނަމަވެސް މި މަހު ފަށާ ކޯސްތަކުގެ އޮރިއެންޓޭޝަން މިހާރު ދަނީ ކުރިއަށެވެ. އަލަށް ގުޅޭ ދަރިވަރުންނަށް އޮރިއެންޓޭޝަން ސެޝަންތައް ނަގައިދޭނެ ކަމަށް ވިލާ ކޮލެޖުން ބުންޏެވެ.

ޖެނުއަރީ އިންޓޭކްއަށް ހުޅުވާލާފައިވާ ކޯސްތަކުގެ ތެރޭގައި ވިލާ ކޮލެޖުގެ އަމިއްލަ ކޯސްތަކާއި އިނގިރޭސިވިލާތުގެ ޔުނިވަސިޓީ އޮފް ދަ ވެސްޓް އޮފް އިންގްލެންޑް އާއި މެލޭޝިއާގެ ޓޭލާސް ޔުނިވާސިޓީގެ ކޯސްތައް ހިމެނެ އެވެ.

ވިލާ ކޮލެޖުގެ ދަރިވަރުންނަށް ފީ ދެއްކުމުގައި ލުއި ފަސޭހަ ގޮތްތަކެއް ހޯދައި ދިނުމަށް މަންތްލީ އިންސްޓޯލްމެންޓަށް ފީ ދެއްކޭނެ އިންތިޒާމު ވެސް ވަނީ ހަމަޖައްސައިދީފަ އެވެ.

 މީގެ އިތުރުން ސަރުކާރުން ހަމަޖައްސާފައިވާ ފުރަތަމަ ޑިގްރީއަށް ހިލޭ ކިޔެވުމުގެ ސްކީމްގެ ދަށުން ވިލާ ކޮލެޖުގެ ބެޗެލާސް ޑިގްރީ ޕްރޮގްރާމްތަކުގައި ކިޔެވޭނެ އެވެ.