ޑޯނިއާ ދުއްވުމުގައި ފުރަތަމަ ފަހަރަށް ދިވެހި ޕައިލެޓުން ހަރަކާތްތެރިވާން ފަށައިފި

އިންޑިއާ އިން ރާއްޖެއަށް ހަދިޔާކޮށްފައިވާ ޑޯނިއާ މަތިންދާބޯޓު ދުއްވުމުގައި، ފުރަތަމަ ފަހަރަށް ދިވެހި ސިފައިންގެ ޕައިލެޓުން ހަރަކާތްތެރިވާން ފަށައިފި އެވެ.

ވީ ކިހިނެއް؟ - ޑޯނިއާ މަތިންދާބޯޓު ދުއްވަން އިންޑިއާގެ އެހީގައި ތިން ޕައިލެޓުން ވަނީ ތަމްރީނުކޮށްފަ އެވެ. މިއަދު އޮތް ރަސްމިއްޔާތެއްގައި އެމްއެންޑީއެފްގެ ދެ ޕައިލެޓުންނަށް ކޯސްޓްގާޑު އޭވިއޭޝަން ސްކޮޑްރަންގެ ބެޖު ވަނީ ހަވާލުކޮށްފަ އެވެ. ޕައިލެޓުންނަށް ބެޖު ހަވާލުކޮށްދެއްވީ ޗީފް އޮފް ޑިފެންސް ފޯސް، މޭޖާ ޖެނެރަލް އަބްދުﷲ ޝަމާލް އެވެ.

ޑޯނިއާ ބޯޓަކީ، އާންމު ވައިގެ ދަތުރުފަތުރުގައި ބޭނުންކުރާ ބޯޓުތަކާ ހިލާފަށް ވަކި ކަމެއް ހާސިލުކުރަން މޮޑިފައިކޮށްފައިވާ އުޅަނދެކެވެ. އެގޮތުން އެއީ މެރިޓައިމް ޕެޓްރޯލް، ސާވައިލެންސް، ސާޗް އެންޑް ރެސްކިއު އަދި މެޑިކަލް އިވެކުއޭޝަނަށް ހާއްސަކޮށްފައިވާ އުޅަނދުތަކެވެ.

ބުނީ ކީކޭ؟ - ސިފައިންގެ ޕައިލެޓުން މަތިންދާބޯޓުތަކުގައި މަސައްކަތް ކުރަން ފެށުމަކީ ލިބުނު ވަރަށް ބޮޑު ކުރިއެރުމެއް ކަމަށް އެމްއެންޑީއެފް އިން ބުންޏެވެ.

ޑޯނިއާ ކޮންވާޝަން ކޯސް ފުރިހަމަކުރި ޕައިލެޓުން މަސައްކަތްކުރާނީ ޑޯނިއާ ބޯޓުގެ ކޯޕައިލެޓުންގެ ގޮތުގަ އެވެ. ކެޕްޓަނަކަށް ވެވޭނީ އުދުހުމުގެ ގަޑި ހަމަކޮށް އަދި އިތުރު ތަމްރީނެއް ފުރިހަމަކޮށްގެންނެވެ. އެހެންވެ، ޑޯނިއާ ބޯޓުގެ ކެޕްޓަންކަން އަދި ކުރާނީ އިންޑިއާ ސިފައިންނެވެ.

އެމްއެންޑީއެފް އިން ބުނީ އަސްކަރިއްޔާއަށް ޕައިލެޓުން ހޯދުމުގައި ދިމާވާ އެންމެ ބޮޑެތި ގޮންޖެހުންތަކަކީ:

ނަމަވެސް، މިހާރު ވެސް އިތުރު ޕައިލެޓުން ތަމްރީނުވަމުން އަންނަ ކަމަށް އެމްއެންޑީއެފް އިން ބުންޏެވެ.

އެނގުން މުހިންމު - އިންޑިއާ އިން ރާއްޖެއަށް ޑޯނިއާ މަތިންދާބޯޓެއް ހަދިޔާކުރީ މިދިޔަ އަހަރު އެވެ. އިންޑިއާ އެމްބަސީން މީގެ ކުރިން ބުނީ، ޑޯނިއާ އޮޕަރޭޓު ކުރާނީ އެމްއެންޑީއެފްގެ ކޮމާންޑުގެ ދަށުން ކަމަށާއި އެ ބޯޓު ބާއްވާފައި އޮންނާނީ ހދ. ހަނިމާދޫ އެއާޕޯޓުގައި ކަމަށެވެ. އެ ބޯޓު ދިވެހި ސިފައިންގެ އޮޕަރޭޝަންތަކުގައި އަންނަނީ ބޭނުންކުރަމުންނެވެ.

އެމްއެންޑީއެފް ކޯސްޓްގާޑުގެ ބެލުމުގެ ދަށުން އެ ބޯޓު ބޭނުންކުރަނީ:

ޑޯނިއާ ބޯޓު ބޭނުންކޮށްގެން ހިންގި އޮޕަރޭޝަންތަކުގެ ތެރޭގައި:

އިތުރަށް ކިޔާލަން -