އެމްޑީޕީގެ ލީޑާޝިޕުން ބޭއްވި ނޫސްވެރިންގެ ބައްދަލުވުމެއްގެ ތެރެއިން (ދައުރު ފޮޓޯ/ އަޒްމީ އަހުމަދު)
ވަޒީފާއިން ވަކިކުރާ މުވައްޒަފުންނަށް އެމްޑީޕީން ގާނޫނީ އެހީ ދެނީ
ސަރުކާރުގެ ކުންފުނިތަކާއި ސިވިލް ސާވިސްއިން ވަކިކުރާ މުވައްޒަފުންނަށް ގާނޫނީ އެހީތެރިކަން ދިނުމަށް އިދިކޮޅު މައި ޕާޓީ، އެމްޑީޕީން ނިންމައިފި އެވެ.
ވީ ކިހިނެއް؟ - އެގޮތަށް ނިންމާފައިވާކަން އެމްޑީޕީން މިއަދު ކުރި އިއުލާނެއްގައި ވަނީ ހާމަކޮށްފަ އެވެ.
ބުނީ ކީކޭ؟ - އެ އިއުލާންގައި ބުނި ގޮތުގައި، ރައީސް މުހައްމަދު މުއްޒަށް ތާއީދު ނުކުރާ މުވައްޒަފުންނަށް ބިރު ދައްކައި ސިޔާސީ ސަބަބުތަކަށްޓަކައި ވަޒީފާއިން ވަކިކުރަމުން އެބަދެ އެވެ. އެހެންކަމުން، އެކަމުގައި އަޅަން ޖެހޭ ގާނޫނީ ފިޔަވަޅުތައް އެޅުމުގައި އެ މުވައްޒަފުންނަށް އެހީތެރިވުމަށް އެ ޕާޓީން ނިންމާފައިވާ ކަމަށް އިއުލާންގައި ބުނެފައިވެ އެވެ.
އެއާ އެކު، އެމްޑީޕީން އެދުނީ އެފަދަ މުވައްޒަފުން އެކަން އެ ޕާޓީއާ ހިއްސާކޮށްދިނުމަށެވެ. އެގޮތުން:
-
އީމެއިލް: helpline@mdp.org.mv
-
ވައިބާ ނަންބަރު: 7341637