ގދ. އަމާރީ ރިސޯޓުގައި ސްނޯކްލިންއަށް ދިޔަ ޓޫރިސްޓަކު މަރުވެއްޖެ

ގދ. އަތޮޅުގައި އޮންނަ އަމާރީ ހަވޮއްޑާ ރިސޯޓުގައި ސްނޯކްލިންއަށް ގޮސް އުޅުނު ޓޫރިސްޓަކު މިއަދު މަރުވެއްޖެ އެވެ.

ވީ ކިހިނެއް؟ - ގދ. ތިނަދޫގައި ހުންނަ އަބްދުއްސަމަދު މެމޯރިއަލް ހޮސްޕިޓަލުން ބުނި ގޮތުގައި، މިއަދު ހަވީރު 5:30 ހާއިރު، އުމުރުން 35 އަހަރުގެ ފިރިހެން މީހާ އެ ތަނަށް ގެންދިޔަ އިރު ވެސް އޮތީ މަރުވެފަ އެވެ. އެނގިފައިވާ ގޮތުގައި އޭނާ މަރުވީ ގެނބިގެންނެވެ.

ފުލުހުން ބުނި ގޮތުގައި، މަރުވެފައިވަނީ އިނގިރޭސިވިލާތުގެ ޓޫރިސްޓެކެވެ.

އެނގުން މުހިއްމު - ރާއްޖެއަށް އަންނަ ޓޫރިސްޓުން މޫދަށް ގޮސް އުޅުމުގެ ތެރޭގައި މަރުވުމުގެ ހާދިސާތައް ގިނަ އެވެ. އޭގެ ތެރެއިން ސްނޯކްލް ކުރުމުގެ ތެރޭގައި މަރުވުމަކީ އާއްމު ކަމެކެވެ.