ފުލުހުންގެ ހިންގި އޮޕަރޭޝަންގައި އަތުލައިގަތް ބައެއް މަސްތުވާތަކެއްޗާއި ފައިސާ: ހަ ލައްކަ ރުފިޔާ އަތުލައިގެންފައިވޭ (ފޮޓޯ/ ޕޮލިސް)
13 ކިލޯ ޑްރަގާ އެކު ހަ ލައްކައަށްވުރެ ގިނަ ރުފިޔާ އަތުލައިގެންފި
ފުލުހުން ރޭ ހިންގި އޮޕަރޭޝަނެއްގައި 13 ކިލޯގެ މަސްތުވާތަކެއްޗާ އެކު ހަ ލައްކައަށް ވުރެ ގިނަ ރުފިޔާ އަތުލައިގެންފި އެވެ.
ވީ ކިހިނެއް؟ - މި އޮޕަރޭޝަނާ ގުޅޭ މައުލޫމާތު ޕޮލިސް ކޮމިޝަނަރު މުހައްމަދު ހަމީދު (އެމްސީ ހަމީދު) މިއަދު މެންދުރު ކުރެއްވި ޓުވީޓެއްގައި ވަނީ ހާމަކުރައްވަފާ އެވެ.
ތަފްސީލު - ހަމީދު ވިދާޅުވީ، އެ ތަކެތި އަތުލައިގެންފައި ވަނީ، ފުލުހުންގެ ކައުންޓާ ނާކޮޓިކްސް އިންޓެލިޖެންސް އަދި ޑްރަގު އެންފޯސްމަންޓް ޑިޕާޓްމަންޓް(ޑީއީޑީ)އިން ހިންގި އޮޕަރޭޝަނެއްގައި މާލޭގެ ދެ ގެޔަކައި ހުޅުމާލޭ ގެސްޓްހައުސްއަކުން ކަމަށެވެ.
އަތުލައިގެންފައި ވަނީ:
-
13.56 ކިލޯގެ ޑްރަގު
-
644،020ރ.ގެ
"މަސްތުވާތަކެއްޗާ ދެކޮޅަށް ފިޔަވަޅު އެޅުން ކުރިއަށް ދާނެ،"ކާމިޔާބު އޮޕަރޭޝަނަށް ފަހު ހަމީދު ލިޔުއްވި އެވެ.
މި އޮޕަރޭޝަންގައި ހައްޔަރު ކުރި މީހުންގެ އަދަދާއި އޭގެ އިތުރު ތަފްސީލު ފުލުހުން އަދި ހާމައެއް ނުކުރެވެ.
ފަސް މަންޒަރު - ގދ. އަތޮޅުގައި ފުލުހުން މިފަހުން ހިންގި އޮޕަރޭޝަނެއްގައި އެ އަތޮޅު ހޯޑެއްދޫ އާއި ފަޅު ރަށަކުން ވަޅުލާފައި ހުއްޓާ 82 ކިލޯގެ މަސްތުވާތަކެތި ވަނީ އަތުލައިގެންފަ އެވެ. އެ މައްސަލައިގައި ބައެއް މީހުން ހައްޔަރު ވެސް ކުރި އެވެ.