އިބްރާހީމް މުހައްމަދު ސޯލިހު ބަހްރައިންގެ ރަސްގެފާނު ޙަމަދު ބިން އީސާ އަލް ޚަލީފާއާ މިއަދު ބައްދަލު ކުރައްވަނީ
ރާއްޖެ އާއި ބަހްރެއިންއިން ގުޅުން ބަދަހިކުރުމުގެ 4 އެއްބަސްވުމެއްގައި ސޮއިކޮށްފި
ރައީސް އިބްރާހިމް މުހައްމަދު ސޯލިހް ބަހްރައިނަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން ރާއްޖެ އާއި ބަހްރައިންގެ ގުޅުން ބަދަހިކުރުމުގެ ހަތަރު އެއްބަސްވުމެއްގައި މިއަދު ސޮއިކޮށްފި އެވެ.
ވީ ކިހިނެއް؟ - ބަހްރައިންގެ ރަސްގެފާނު ހަމަދު ބިން އީސާ އަލް ހަލީފާގެ ދައުވަތަކަށް ރައީސްގެ ދެކަނބަލުންނާއި ބައެއް ވަޒީރުން ބަހްރައިންއަށް ވަޑައިގެންނެވީ އިއްޔެ އެވެ. މިއަދު ދެ ގައުމުން މި އެއްބަސްވުންތައް ބަދަލުކޮށްފައިވަނީ، ބަހްރައިންގެ އަލް ގުޟައިބިއްޔާ ޕެލަސްގައި ބޭއްވި ހާއްސަ ރަސްމިއްޔާތުގަ އެވެ.
ތަފްސީލު - ރައީސް އޮފީހުން ބުނީ، އެ ހަތަރު އެއްބަސްވުމަކީ ވެސް ގުޅުން ބަދަހިކުރުމުގެ ގޮތުން ކޮށްފައިވާ އެއްބަސްވުންތަކެއް ކަމަށެވެ. އެއީ:
-
1-
"މެމޮރަންޑަމް އޮފް އަންޑަސްޓެންޑިން އޮން ޕޮލިޓިކަލް ކޮންސަލްޓޭޝަންސް" - މިއީ ބައިނަލްއަގުވާމީ ގުޅުންތަކާ ގުޅޭ ގޮތުން ދެ ގައުމުގެ މެދުގައި ހިޔާލާއި މަޝްވަރާ ބަދަލު ކުރުމާ ގުޅޭ އެއްބަސްވުމެއް
-
2-
"މެމޮރަންޑަމް އޮފް އަންޑަސްޓެންޑިންް ފޯ ކޯޕަރޭޝަން އޮން ޑިޕްލޮމެޓިކް ޓްރެއިނިން އެންޑް އެކްސްޗޭންޖް އޮފް އިންފޮރމޭޝަން އެންޑް ޑޮކިއުމެންޓޭޝަން" - މިއީ ބަހްރައިންގެ މުހައްމަދު ބިން މުބާރަކް އަލް ހަލީފާ އެކެޑަމީ ފޯ ޑިޕްލޮމެޓިކްސް ސްޓަޑީޒް އާއި ރާއްޖޭގެ ފޮރިން ސާވިސް އިންސްޓިޓިއުޓާއި ދެމެދު ވެވުނު އެއްބަސްވުމެއް
-
3-
"މެމޮރަންޑަމް އޮފް އަންޑަސްޓެންޑިން އޮން ކޯޕަރޭޝަން އިން ދި އޭރިއާ އޮފް ޔޫތު އެންޑް ސްޕޯޓްސް ޑިވެލޮޕްމެންޓް": މިއީ ޒުވާނުންނާއި ކުޅިވަރު ކުރިއެރުވުމުގެ ދާއިރާއިން ދެގައުމުގެ މެދުގައި ގުޅުން ބަދަހިކުރުމުގެ އެއްބަސްވުމެއް
-
4-
"މެމޮރަންޑަމް އޮފް އަންޑަސްޓެންޑިން އޮން ކްލައިމެޓް ޗޭންޖް"- މިއީ މޫސުމީ ބަދަލުތަކާއި ގުޅޭ ގޮތުން ދެގައުމުން ގުޅިގެން މަސައްކަތް ކުރުމުގެ އެއްބަސްވުމެއް
ކުޅިވަރު ދާއިރާގެ އެއްބަސްވުމުގައި ސޮއިކުރެއްވީ ރާއްޖޭގެ ފަރާތުން ޔޫތް މިނިސްޓަރު އަހްމަދު މަހްލޫފް އެވެ. ބާކީ ތިން އެއްބަސްވުމުގައި ސޮއިކުރެއްވީ، ފޮރިން މިނިސްޓަރު އަބްދުﷲ ޝާހިދެވެ.
މި ރަސްމިއްޔާތުގައި ރައީސް ސޯލިހާއި ބަހްރައިންގެ ރަސްގެފާނު ވެސް ބައިވެރިވެވަޑައިގެންނެވި އެވެ.
ރައީސް އޮފީހުން އިތުރަށް ބުނީ:
-
ރާއްޖެ އާއި ބަހްރައިން އިން އިތުރު ދެ މެމޮރަންޑަމް އޮފް އަންޑަސްޓެންޑިން އެއްގައި ސޮއިކުރުމާ ގުޅޭ ގޮތުން ވަޒީރުންގެ މަޖިލީހުގައި މަޝްވަރާކުރައްވައި ކުރިޔަށް ގެންދަވާނެކަން ރަސްމިއްޔާތުގައި އިއުލާންކޮށްފައިވާ ކަމަށް
-
އެއީ، ކަނޑާއި ވައިގެ މަގުން އަވަހަށް މުދާ ބަދަލުކުރުމާ ގުޅޭ އެއްބަސްވުމަކާއި ބަހްރައިންގެ ޑޭޓާ ސެންޓަރުތަކުގައި ރައްކާކުރެވޭ މައުލޫމާތު ހިއްސާކުރުމާއި ގުޅޭ އެއްބަސްވުމެއް
-
މިއެއްބަސްވުންތައް ބަދަލު ކުރެއްވުމުގެ ކުރިން، ރައީސް ސޯލިހާއ ބަހްރެއިންގެ ރަސްގެފާނާ ދެބޭފުޅުން ވަކިން ބައްދަލުކުރެއްވި
-
އެ ބައްދަލުވުމުގައި ދެގައުމުގެ މެދުގައި އޮތް ގާތް ރަހުމަތްތެރި ގުޅުން އިތުރަށް ބަދަހިކުރުމާއި ގުޅޭ ގޮތުންނާއި ދެގައުމުގެ މަސްލަހަތު ހުރި ކަންކަމުގައި ގުޅިގެން މަސައްކަތް ކުރެއްވުމާ ގުޅޭ ގޮތުން ހިޔާލުބަދަލުކޮށް މަޝްވަރާކޮށްފައިވޭ