ރާއްޖޭގެ އިގްތިސާދު %6.5ގައި ކުރިއެރިޔަސް ގޮންޖެހުންތައް ބޮޑު: ވޯލްޑް ބޭންކު

ގައުމީ އުފެއްދުންތެރިކަމުގެ ނިސްބަތް ނުވަތަ ޖީޑީޕީގެ ނިސްބަތުން ރާއްޖޭގެ އިގްތިސާދު މި އަހަރު %6.5ގައި ކުރިއަރާނެ ކަމަށާއި، ނަމަވެސް ރާއްޖެއަށް ހުރި އިގްތިސާދީ ގޮންޖެހުންތައް ބޮޑު ކަމަށް ވޯލްޑް ބޭންކުން މިއަދު ލަފާކޮށްފި އެވެ.

ވީ ކިހިނެއް؟ - ވޯލްޑް ބޭންކުން އަހަރަކު ދެ ފަހަރު ނެރޭ އިގްތިސާދީ ރިޕޯޓުގެ މި އަހަރުގެ ދެ ވަނަ އަދަދު މިއަދު ވަނީ އާންމުކޮށްފަ އެވެ. 'މޯލްޑިވްސް ޑިވެލޮޕްމަންޓް އަޕްޑޭޓް' ރިޕޯޓުގެ މި ފަހަރުގެ އަދަދުގައި ފާހަގަކޮށްފައިވާ ގޮތުން، ކުރިއަށް އޮތް ދެ އަހަރު ރާއްޖޭގެ އިގްތިސޯދު އެވްރެޖުކޮށް ކުރިއަރާނެ ކަމަށް އަންދާޒާ ކުރެވެނީ %5.4ގަ އެވެ.

ތަފްސީލް - އިގްތިސޯދު ކުރިއަރާނެ ލަފާކުރެވުނު ނަމަވެސް، ރާއްޖެއަށް ބޮޑެތި ގޮންޖެހުންތަކެއް އެބަހުރި ކަމަށް އެ ރިޕޯޓުގައި ވަނީ ފާހަގަކޮށްފަ އެވެ. ހާއްސަކޮށް، ދުނިޔޭގެ އިގްތިސޯދު ވަރަށް ބޮޑަށް މަޑުޖެހިފައިވަނިކޮށް، ބޮޑު އިންޓްރެސްޓުގައި ލޯނު ނެގުން މަދުނުކޮށްފި ނަމަ، ކުރު މުސްތަގުބަލުގައި މާލީ ގޮންޖެހުންތައް ކުރިމަތިވެދާނެ ކަމަށް އެ ރިޕޯޓުގައި ވަނީ ލަފާކޮށްފަ އެވެ.

ރާއްޖޭގެ އިގްތިސޯދަށް ހުރި ގޮންޖެހުންތަކުގެ ގޮތުގައި އެ ރިޕޯޓުގައި ފާހަގަކޮށްފައި ވަނީ:

މާލީ ހާލަތު އިތުރަށް ގޯސް ނުވާނެކަން ކަށަވަރުކޮށް، ދައުލަތުގެ އާމްދަނީ އިތުރުކޮށް، ދައުލަތުން ކުރާ ހޭދަތައް ހަރުދަނާ ކުރަން ޖެހޭކަން ވޯލްޑް ބޭންކުގެ ރިޕޯޓުގައި ވަނީ ފާހަގަކޮށްފަ އެވެ. އެގޮތުން، ކުރެވިދާނެ ކަންތައްތައް ކަމަށް ފާހަގަކޮށްފައިވަނީ:

ރާއްޖޭގެ އިންސްފްރާސްޓްރަކްޗާ ނިޒާމު ހަރުދަނާ ނަމަވެސް، ސަރުކާރުން އެ ހިދުމަތްތައް ފޯރުކޮށްދޭން ދައުލަތުގެ ބަޖެޓުން ކުރާ ހަރަދު ބޮޑުކަން ރިޕޯޓުގައި ފާހަގަކޮށްފައިވެ އެވެ. އެކަން ކަމަށް ކުރަން ޖެހޭ ހަރަދުތައް އުފެއްދުންތެރިކަމުގެ ނިސްބަތުން ބޮޑުކަން ވެސް ފާހަގަކޮށްފައިވެ އެވެ.

"އަތޮޅުތެރޭގެ ރަށްތަކުގެ މެދުގައި އޮތް ފަރަގު ކުޑަވި ނަމަވެސް، ހިދުމަތްތައް ފޯރުކޮށްދިނުމުގައި ތަފާތުކުރުންތައް އަދިވެސް އެބަހުރި. ހާއްސަކޮށް ފެނާއި ނަރުދަމާގެ ހިދުމަތް އަދި އިންޓަނެޓުގެ ހިދުމަތް ފަދަ އަސާސީ ހިދުމަތްތަކުގައި ފަރަގު އެބަހުރި. މިކަންކަން ހައްލު ކުރުމަށް އިތުރަށް ގިނަ މަސައްކަތްތައް ކުރަން ޖެހޭ،" އެ ރިޕޯޓުގައި ފާހަގަކޮށްފައިވެ އެވެ.

ބުނީ ކީކޭ؟ - ވޯލްޑް ބޭންކުން ރާއްޖެ، ލަންކާ އަދި ނޭޕާލަށް ކަނޑައަޅާފައި ހުންނަވާ ކަންޓްރީ ޑިރެކްޓަރު ފާރިސް ހަދާދު ޒަރުވޯސް ވިދާޅުވި ކަމަށް، އެ ރިޕޯޓާ އެކު ނެރުނު ނޫސްބަޔާނެއްގައި ފާހަގަކޮށްފައިވާ ގޮތުން، ރާއްޖޭގެ އިގްތިސޯދު ޓޫރިޒަމަށް ބަރޯސާވި ނަމަވެސް، ތިމާވެއްޓާ ރަށްޓެހި ޓޫރިޒަމް އަދި މަސްވެރިކަން ފަދަ ސިނާއަތްތައް ތަރައްގީކޮށް، ކުރިއެރުވިއްޖެ ނަމަ، އޭގެ ފައިދާ އިގްތިސޯދަށް ކުރާނެ އެވެ.