ޗައިނާ އާއި ފިލިޕީންސުން ދެކުނު ޗައިނާ ކަނޑުގައި އަނެއްްކާ ވެސް ކޯޅިގަނެފި

ދެކުނު ޗައިނާ ކަނޑުގެ ހިޔާލު ތަފާތުވެފައިވާ ސަރަހައްދެއްގައި ކޯސްޓްގާޑުގެ އުޅަނދުތައް، އެއް އުޅަނދު އަނެއް އުޅަނދުގައި ޖެއްސި ކަމަށް ޗައިނާ އާއި ފިލިޕީންސުން އެއް ބަޔަކު އަނެއް ބައެެއްގެ ބޮލުގައި އަޅުވައި ކުށްވެރިކޮށްފި އެވެ.

ފިލިޕީންސުން ބުނެފައިވަނީ ޗައިނާގެ އުޅަނދު "ސީދާ ގޮތުންނާއި ވިސްނުންތެރިކަމާ އެކު" އެ ގައުމުގެ އުޅަނދުގައި ޖެއްސި ކަމަށެވެ. ޗައިނާ އިން ބުނަނީ ފިލިޕީންސު އުޅަނދުން ގަސްތުގައި ޗައިނާގެ އުޅަނދަށް އަރުވާލި ކަމަށެވެ. 

ސަބީނާ ޝޮލް ކައިރީގައި އިއްޔެ ހިނގި މި އެކްސިޑެންޓަކީ ދެކުނު ޗައިނާ ކަނޑުގެ އެކި ރަށްތަކާއި ޒޯންތަކުގެ މައްސަލާގައި ދެ ގައުމުގެ ދެމެދުގައި ޒަމާނުއްސުރެ ހިނގަމުންދާ ހަމަނުޖެހުންތަކުގެ ތެރެއިން އެންމެ ފަހުގެ ހާދިސާ އެވެ. އެ ދެ ގައުމުގެ ދެމެދުގައި ދެކުނު ޗައިނާ ކަނޑުގެ  މައްސަލަ އަންނަނީ ބޮޑުވަމުންނެވެ.

ފާއިތުވި ދެ ހަފުތާގެ ތެރޭގައި އެ ދެ ގައުމަށް ނިސްބަތްވާ އުޅަނދުފަހަރަށް ނިސްބަތްވާ އިތުރު ތިން ހާދިސާއެއް އެ ސަރަހައްދެއްގައި ހިނގާފައިވެ އެވެ.

ސަބީނާ ޝޯލް އަކީ ޒިއަންބިން ޖިއާއޯގެ ގޮތުގައި ޗައިނާއިން އަދި ފިލިޕީންސް އިން އެސްކޯޑާ ޝޯލްގެ ގޮތުގައި ބުނާ ސަބީނާ ޝޯލް އެވެ. އެ ރަށް އޮންނަނީ ފިލިޕީންސްގެ ހުޅަނގު އައްސޭރިފަށާ ގާތްގަނޑަކަށް 75 ނޯޓިކަލް މޭލު ބޭރުން އަދި ޗައިނާއާ 630 ނޯޓިކަލް މޭލު ދުރުގަ އެވެ.

ދެކުނު ޗައިނާ ކަނޑަކީ އަހަރަކު 3 ޓްރިލިއަން ޑޮލަރުގެ ވިޔަފާރީގެ މުއާމަލާތްތައް ހިންގާ ބޮޑު ޝިޕިން ރޫޓެކެވެ. ދެކުނު ޗައިނާ ކަނޑުގެ ގާތްގަނޑަކަށް ހުރިހާ ސަރަހައްދެއް ބެއިޖިންއިން ދައުވާ ކުރެ އެވެ. އޭގެ ތެރޭގައި ފިލިޕީންސް، ބްރޫނާއީ މެލޭޝިޔާ ޓައިވާން އަދި ވިއެޓްނާމުން ދައުވާ ކުރާ ބައެއް ވެސް ހިމެނެ އެވެ.

އެންމެ ފަހުން ހަމަނުޖެހުންތަކެއް ހިނގި އިރު ޗައިނާގެ ކޯސްޓްގާޑުން ވަނީ ސަބީނާ ޝޯލް ސަރަހައްދުން ފިލިޕީންސް ބޯޓު ދުރަށް ދިޔުމަށް ގޮވާލައިފަ އެވެ.

ފިލިޕީންސްގެ ކޯސްޓްގާޑުން ބުނީ "ޗައިނާގެ ކޯސްޓްގާޑުގެ ޖެއްސުން ކުރުމާއި ބުލީ ކުރުމުގެ ހަރަކާތްތަކާއި އިތުރު ފިއްތުންތަކުގެ ފިޔަވަޅުތަކާ އެކު ވެސް" އެ އުޅަނދު އެ ތަން ދޫކޮށް ނުދާނެ ކަމަށެވެ.

އެ އެކްސިޑެންޓާ ގުޅިގެން އެއްވެސް މީހަކަށް ގެއްލުމެއް ނުވެ އެވެ. ނަމަވެސް ފިލިޕީންސްގެ ކޯސްޓްގާޑް ކޮމޮޑޯ ޖޭ ޓަރިއެލާ ވިދާޅުވީ 318 ފޫޓުގެ 'ޓެރެސާ މެގްބަނުއާ' އަށް ޗައިނާގެ ބޯޓުން "އެތައް ފަހަރެއްގެ މަތިން" އުރުވާލި ކަމަށާއި އެކަމުގެ ސަބަބުން ބައެއް ގެއްލުންތައް ބޯޓަށް ލިބިފައިވާ ކަމަށެވެ.

އޮބްޒާވަރުން ކަންބޮޑުވަނީ މި މައްސަލައިގެ ސަބަބުން ދެކުނު ޗައިނާ ކަނޑުގައި ބޮޑު ހަމަނުޖެހުމެއް އުފެދިދާނެތީ އެވެ.

މީގެ ކުރިން ފިލިޕީންސުން އދ.އަށް މެދުވެރިކޮށް ކުރި މަސައްކަތް ނިމުމަކަށް އައީ ދެކުނު ޗައިނާ ކަނޑުގެ ބޮޑު ސަރަހައްދެއް ހޯދުމަށް ފިލިޕީންސުން ބޭނުންކުރާ ބައުންޑަރީ ކަމަށްވާ އެ ގައުމުގެ އެސްއޯ ނައިން ޑޭޝް ލައިންގެ ތެރޭގައި ޗައިނާގެ އެއްވެސް ގާނޫނީ ދަޢުވާއެއް ނެތް ކަމަށް ނިންމައިގެންނެވެ. ޗައިނާއިން ވަނީ އެ ނިންމުން ބަލައިގަތުމަށް ދެކޮޅުހަދައިފަ އެވެ.

ނަމަވެސް ފާއިތުވި ހަފުތާތަކުގައި ދެ ގައުމުން ވެސް ވަނީ ކަނޑުމަތީގައި ހިނގަމުންދާ ހަމަނުޖެހުންތައް ވަގުތުން ހުއްޓާލުމަަށް މަސައްކަތްކޮށްފަ އެވެ.

މިދިޔަ މަހު އެ މީހުން އެއްބަސްވީ ކާބޯތަކެއްޗާއި ސާމާނާއި ސިފައިންނާ އެކު ދެވަނަ ތޯމަސް ޝޯލްގައި ހުންނަ އައުޓްޕޯސްޓަށް ފިލިޕީންސަށް އަލުން ސްޓޮކް ކުރުމުގެ ހުއްދަ ދިނުމަށެވެ. އޭގެ ފަހުން އިއްޔެއާ ހަމައަށް އެ ސަރަހައްދުގައި އެއްވެސް ހަމަނުޖެހުމެއް ހިނގާފައެއް ނުވެ އެވެ.