އެމެރިކާގެ މިސިސިޕީއަށް އައި ބާރުގަދަ ނަގޫރޯޅި އަރައި ގެއްލުން ލިބުނު ސަރަހައްދެއްގައި މީހުން ތާށިވެފައި ތިބިތޯ ބަލަނީ
އެމެރިކާގެ މިސިސިޕީއަށް އެރި ބާރުގަދަ ނަގޫރޯޅިއެއްގައި 23 މީހަކު މަރުވެ ތަންތަން ސުންނާފަތިވެއްޖެ
އެމެރިކާގެ މިސިސިޕީ ސްޓޭޓަށް އެރި ބާރުގަދަ ނަގޫރޯޅިއެއްގައި މަދުވެގެން 23 މީހަކު މަރުވެ ތަންތަން ސުންނާފަތިވެއްޖެ އެވެ.
ވެއްޓިފައިވާ އިމާރާތްތަކުގެ ދަށުގައި އިތުރު މީހުން ތާށިވެފައި ތިބި ކަމަށް ބެލެވެ އެވެ.
ނަގޫރޯޅީގައި ރަށްފުށު ސަރަހައްދުގެ ގިނަ ޓައުންތަކަކަށް ގެއްލުން ލިބިފައިވާ އިރު ގަސްތައް ވެއްޓި ކަރަންޓު ނަރުތައް ބުރިވެ އެތައް ހާސް ގެއަކުން ވަނީ ކަރަންޓު ކެނޑިފަ އެވެ.
މިސިސިޕީގެ އެކި ހިސާބުތަކަށް ގަނޑުފެނާއި ބޯ ވާރޭވެހިފައި ވެސް ވެ އެވެ.
މިސިސިޕީގެ ގަވަރުނަރު ޓޭޓް ރީވްސް ޓްވިޓާގައި ވިދާޅުވިގޮތުގައި މީހުން ހޯދައި ސަލާމަތްކުރުމުގެ މަސައްކަތްކުރާ ފަރާތްތަކުން އަންނަނީ ސިއްހީ އެހީތެރިކަން ފޯރުކޮށްދެމުންނެވެ.
މިސިސިޕީއަށް އަދި މިއީ މިއަދު ހެނދުނެވެ. ނެޝަނަލް ވެދާ ސާވިސް އިން ބުނިގޮތުގައި ނަގޫރޯޅީގައި ހަލާކުވި ތަކެތީގެ ކުނިބުނި ނަގައި ސާފުކުރުމުގެ މަސައްކަތް މިހާރު ވެސް ވަނީ ފަށައިފަ އެވެ. ނަމަވެސް ވެއްޓިފައިވާ ކަރަންޓު ކޭބަލްތަކާ ގާތްނުވުމަށާއި ގެއްލުން ލިބިފައިވާ އިމާރާތްތަކަށް ނުވަނުމަށް އަދި ވިއްސާރައިގައި ހެދިފައިވާ ފެންގަނޑުތަކަށް ނޭރެން އެ ތަނުން އިންޒާރުދީފައިވެ އެވެ.
އެމެރިކާގެ ދެކުނުގެ އިތުރު ބައެއް ސްޓޭޓްތަކަށް ވެސް ބާރުގަދަ ތޫފާންތައް އަންނާނެ ކަމަށް ވަނީ ލަފާކޮށްފަ އެވެ.