ރަޝިޔާއާ ދެކޮޅަށް ކުޅޭ މެޗު ޕޯލެންޑުން ބޮއިކޮޓް ކުރަނީ

ވޯލްޑް ކަޕް ޕްލޭ އޮފްގައި ރަޝިޔާއާ ދެކޮޅަށް ޕޯލެންޑުން އަންނަ މަހު ކުޅެން އޮތް ފުޓުބޯޅަ މެޗު ބޮއިކޮޓް ކުރަން ޕޯލެންޑުން ނިންމައިފި އެވެ.

 ޕޯލެންޑު ކެޕްޓަން ރޮބާޓް ލެވަންޑޮވްސްކީ ބުނީ "ކަމެއް ހިނގަމުން ނުދާ ކަމަށް ބަލައިގެން ނުތިބެވޭނެ" ކަމަށެވެ.

ޕޯލެންޑު ފުޓުބޯލް އެސޯސިއޭޝަންގެ ރައީސް ސެޒާރީ ކުލޭޒާ ވިދާޅުވި ގޮތުގައި ޕްލޭ އޮފް މެޗު ކުޅެން ގަސްދެއްނުކުރެ އެވެ.

ރަޝިޔާގައި މި މެޗު ކުޅެން ހަމަޖައްސާފައި ވަނީ 24 މާޗުގަ އެވެ. ހަމަ އެދުވަހު ޔޫކްރޭން އާއި ސްކޮޓްލެންޑް ވެސް ކުޅޭނެ އެވެ.

ޕޯލެންޑްގެ ނިންމުމާ ގުޅިގެން މިއީ 'ރަނގަޅު ނިންމުމެއް' ކަމަށް ބުނެ، ބަޔާން މިޔުނިކްގެ ވަރުގަދަ ފޯވަޑް ލެވަންޑޮވްސްކީ ވަނީ ޓްވީޓްކޮށްފަ އެވެ. 

ލެވަންޑޮވްސްކީ އަކީ ޕޯލެންޑަށް އެންމެ ގިނަ ލަނޑު ޖަހާފައިވާ ކުޅުންތެރިޔާ އެވެ.

"ޔޫކްރޭނާ ދެކޮޅަށް އަސްކަރީ ހަރުކަށިކަން ކުރިއަށް ދާއިރު ރަޝިޔާގެ ގައުމީ ޓީމާ އެކު މެޗެއް ކުޅޭތަން ސިފަކުރަން އަހަންނަށް އުނދަގޫ. ރަޝިޔާގެ ކުޅުންތެރިންނާއި، ސަޕޯޓަރުން މިކަމުގައި ޒިންމާއެއް ނުވޭ، އެކަމަކު އެއްވެސް ކަމެއް ނުވާ ކަމަކަށް އަހަރެމެންނަކަށް ނުހެދޭނެ،" ލެވަންޑޮވްސްކީ ބުންޏެވެ.

ވޯލްޑް ކަޕަށް ކޮލިފައިވާން ކުޅޭ ޕްލޭ އޮފް މެޗުތަކުގައި ސްވީޑުން އާއި ޗެކް ރިޕަބްލިކް ބައްދަލުކުރާ ޓީމެއް ރަޝިޔާއާ ވާދަކުރަން ޖެހޭނެ އެވެ. ސްވިޑުން އިން ބުނީ ކޮން ތާކު ކުޅެން ޖެހުނަސް ރަޝިޔާއާ އެކު ނުކުޅޭނެ ކަމަށެވެ.

މި މައްސަލައާ ބެހޭ ގޮތުން ފީފާ އިން ބުނީ ހާލަތު ބަލަމުން އަންނަ ކަމަށެވެ.