ސަސް އެކަޑަމީގެ ކުޅުންތެރިން ލަލީގާ އިންޓަނޭޝަނަލް ޔޫތު ކަޕް މެލޭޝިޔާ 2024ގައި: އެ މުބާރާތުން ތިން ވަނަ އެ ޓީމުން ހާސިލްކުރި. (ފޮޓޯ/ ސަސް އެކަޑަމީ)
17 އަހަރުން ދަށުގެ ގައުމީ ޓީމަށް ކުޅުންތެރިން ނެގި ގޮތާ މެދު ހިތްހަމަނުޖެހުންތަކެއް
ސަތާރަ އަހަރުން ދަށުގެ ގައުމީ ފުޓުބޯޅަ ޓީމަށް ކުޅުންތެރިން ނެގި ގޮތާ މެދު ރާއްޖޭގެ ފުޓުބޯޅަ އެކަޑެމީއެއް ކަމަށްވާ 'ސަސް އެކަޑެމީ'ން ހިތްހަމަނުޖެހުން ފާޅުކޮށްފި އެވެ.
ވީ ކިހިނެއް؟ - މި މަހު ފަށާ 17 އަަހަރުން ދަށުގެ ސާފް ޗެމްޕިއަންޝިޕަށް ގައުމީ ޓީމުން ކުޅުންތެރިން ނަގާފައިވަނީ އެންމެ ރަނގަޅަށް ބަލައިގެން ނޫން ކަމަށް ވަނީ ތުހުމަތުކޮށްފަ އެވެ.
ތަފްސީލް - އެކަމާ ގުޅޭ ގޮތުން ސަސް އެކަޑެމީގެ ހެޑް ކޯޗު ފަރީދު އަހުމަދު 'ދައުުރު'އަށް ވިދާޅުވީ ގައުމީ ޓީމަށް ކުދިން ނަގާފައިވަނީ މުބާރާތެއް ނުބާއްވާ އަދި އެފަދަ މަޝްވަރާއެއް އެކަޑެމީތަކާ ކުރުމެއް ނެތި ކަމަށެވެ. ފަރީދު ވަނީ ގައުމީ ޓީމަށް ކުޅުންތެރިން ނެގި ކޯޗަށް ކުދިން ނޭނގޭ ކަމަށް ވެސް ތުހުމަތުކުރައްވާފަ އެވެ.
ފަރީދު ވިދާޅުވި ގޮތުގައި:
-
ޓީމަށް ކުޅުންތެރިން ނަގާފައިވަނީ ދެ ހަފްތާގެ ޕްރެކްޓިސްއަކަށް ބަލައިގެން
-
ކުދިން ނެގުމުގެ ކުރިން އެކަޑެމީތަކާ މަޝްވަރާކޮށް، ކުދިން ތައްޔާރުކޮށްފައެއް ނުވޭ
-
މީގެ ކުރިން ގައުމީ މުބާރާތަށް ކުޅެ ރަނގަޅަށް ޕާފޯމްކޮށްފައިވާ ކުދިން ބާކީކޮށް، އަލަށް ފުޓުބޯޅަ ކުޅެން ފެށި ކުދިން ޓީމަށް ނަގާފައިވޭ
-
އިންޓަ ސްކޫލް މުބާރާތްތަކާއި މައިލޯ ފިއެސްޓާ އަދި ލަލީގާ އިންޓަނޭޝަނަލް ޔޫތު ކަޕް މެލޭޝިޔާގައި ރަނގަޅު ކުޅުމެއް ދައްކާފައިވާ ކުދިން ޓީމަށް ނަގާފައެއް ނުވޭ
-
ސަސް އެކަޑެމީގެ އިތުރުން އެހެން ކްލަބްތަކުން ތަމްރީނު ދިން ކުދިން ބާކީވެފައި އެބަތިބި
-
ޓީމަށް ކުދިން ނެގި ގޮތުން އަތޮޅުތެރޭގައި ތިބި ކުދިންނަށް ފުރުސަތެއް ނުލިބޭ
-
މި ކުދިން ޓީމަށް ނުހޮވުނު ސަބަބެއް ބުނެއެއް ނުދޭ
-
ގައުމީ ޓީމް ފައިނަލް ކުރީ ދެ ދުވަސް ކުރިން؛ މި މަހުގެ 22ގައި ސާފް ޗެމްޕިއަންޝިޕްގެ ފުރަތަމަ މެޗު ރާއްޖޭން ކުޅޭއިރު އެ ޓީމަށް ވެސް ޕްރެކްޓިސްކުރަން އެންމެ އެކަށީގެންވާ ވަގުތެއް ނެތް
ފަރީދު ވިދާޅުވީ ގައުމީ ޓީމުން ބާކީކުރި ކުދިންގެ ތެރޭގައި ރާއްޖޭގެ ފުޓުބޯޅައިގެ މުސްތަގުބަލްގެ ގޮތުގައި ގަބޫލުކުރެވޭ ވަރުގެ ކުދިން ތިބި ކަމަށެވެ.
"ފުޓުބޯޅައިން ކުރިއަށްދާން ނިންމައިގެން ތިބި ކުދިންތަކެއް މިއީ. ރަނގަޅު މޮޅު ކުޅުމެއް ކުޅޭ ކުދިންތަކެއް ބާކީވެގެން މި ދިޔައީ،" އޭނާ ވިދާޅުވި އެވެ.
"ގައުމީ ޓީމަށް ކުދިން ނެގި ކޯޗަކަށް ކުދިންނެއް ނޭނގޭ. ކުދިން ނަގާފައިވަނީ ރަނގަޅަށް ކުދިންގެ ކުޅުން ބަލައި އިވެލުއޭޓްކޮށްފައެއް ނޫން."
ފަރީދު ވިދާޅުވީ އެ ގޮތަށް ގައުމީ ޓީމަށް ކުޅުންތެރިން ނެގުމުން ފުޓުބޯޅައިން ކުރިއަށް ދާން ބޭނުންވެފައި ތިބި ހުނަރުވެރި ކުދިން މާޔޫސްވެ، ފުޓުބޯޅައާ ދުރަށް ގޮސްފާނެ ކަމަށެވެ. އެހެންވެ. ރާއްޖޭގެ ފުޓުބޯޅައިގެ މުސްތަގްބަލް ހަލާކުވެދާނެ ކަމުގެ އިންޒާރު އޭނާ ދެއްވި އެވެ.
ކޮމެންޓް (1)
ޢޭއެމް