ސިންގަލް ޔޫސް ޕްލާސްޓިކް މަދުކުރަން 1 ލައްކައާ ހަމައަށް ޖޫރިމަނާކުރެވޭ ގޮތަށް ގަވާއިދެއް

ރާއްޖޭގައި ބޭނުންކުރާ ޕްލާސްޓިކް ބާވަތްތަކުގެ ތެރެއިން ތިމާވެއްޓަށް ގެއްލުންދޭ ސިންގަލް ޔޫސް ޕްލާސްޓިކް 2030 ވަނަ އަހަރުގެ ނިޔަލަށް މަދުކުރުމަށް 100،000ރ.އާ ހަމައަށް ޖޫރިމަނާކުރެވޭ ގޮތަށް ގަވާއިދެއް އެކުލަވާލައި އާންމުކޮށްފި އެވެ.

ވީކިހިނެއް؟ - ރައީސްގެ ގަރާރަކުން މަނާކުރާ ސިންގަލް ޔޫސް ޕްލާސްޓިކްގެ ބާވަތްތައް ރާއްޖެއަށް އެތެރެކޮށް ބާޒާރަށް ނެރުމާއި ރާއްޖޭގައި އުފެއްދުމުން އަމަލުކުރާނެ ގޮތްތަކާއި ފިޔަވަޅު އަޅާނެ ގޮތްތައް ބަޔާންކުރާ ގަވާއިދެއް ގެޒެޓްކޮށްފައިވެ އެވެ.

ތަފްސީލް - އެންވަޔަރަމެންޓް މިިނިސްޓްރީން މިއަދު ނެރުނު 'ސިންގަލް ޔޫސް ޕްލާސްޓިކް މަދުކުރުމާ ގުޅޭ ގަވާއިދު'ގައިވާ ގޮތުން، މަނާކޮށްފައިވާ ޕްލާސްޓިކް ބާވަތެއް އުފެއްދުމާއި އެތެރެކުރުމުގެ އިތުރުން ވެސް އެ ގަވާއިދާ ހިލާފު ކަމެއް ކުރުމުން އަޅާނެ ފިޔަވަޅަކީ:

ރާއްޖޭގައި ސިންގަލް ޔޫސް ޕްލާސްޓިކް އުފައްދާ ތަންތަނާއި އެތެރެކޮށް ބާޒާރަށް ނެރޭ ތަންތަން ބަލައި ފާސްކުރުމާއި ގަވާއިދާ އެއް ގޮތަށް މޮނިޓާކުރުމުގެ ބާރު ދީފައިވަނީ އެންވަޔަރަމެންޓް ރެގިއުލޭޝަން އޮތޯރިޓީއަށެވެ.

ސިންގަލް ޕްލާސްޓިކް މަދުކުރާނެ ގޮތް ގަވާއިދުން ދޫކޮށްލާފައި ވަނީ މިނިސްޓްރީން އެކުލާވާ ފޭސްއައުޓް ޕްލޭނަކަށެވެ. ގަވާއިދަށް އަމަލުކުރަން ފަށާތާ އެއް އަހަރު ދުވަހުގެ ތެރޭގައި އެ ޕްލޭނެއް އެކުލަވާލަން ޖެހޭނެ ކަމަށް ގަވާއިދުގައިވެ އެވެ.

އެ ޕްލޭނުގައި ރިއާޔަތްކުރަން ޖެހޭނެ ކަމަށް ގަވާއިދުގައި ބުނެފައިވާ ކަންކަމަކީ:

މި ގަވާއިދު އިސްތިސްނާވާނެ ދެ ހާލަތެއް ވެސް ބަޔާންކޮށްފައިވެ އެވެ. އެއީ:

ރައީސްގެ ގަރާރުގެ ދަށުން މަނާކުރާ ޕްލާސްޓިިކް ބާވަތްތައް، ރާއްޖޭގައި ކުނި މެނޭޖުކުރުމުގެ ލައިސެންސް ދޫކޮށްފައިވާ ފަރާތެއް މެދުވެރިކޮށް އެ ތަކެތި ނައްތާލަން ޖެހޭނެ ކަމަށް ވެސް ގަވާއިދުގައިވެ އެވެ.