ފުވައްމުލަކު ހޮސްޕިޓަލު: އެ ހޮސްޕިޓަލުގައި މަރުވި ކުއްޖާގެ މައްސަލައިގައި ދެ ޑޮކްޓަރުން ވަނީ ސަސްޕެންޑްކޮށްފައި.
ސަދާގެ މަރު: އިހުމާލުވި 2 ޑޮކަޓަރުން ސަސްޕެންޑުކޮށްފި
ފުވައްމުލަކު ހޮސްޕިޓަލުގައި ފަރުވާ ދެމުން ދަނިކޮށް އެ ހޮސްޕިޓަލުގެ އިހުމާލުން މަރުވި އުމުރުން ފަސް އަހަރުގެ ސަދާ ސައުދުﷲ އަހުމަދު ހަސަންގެ މަރުގެ މައްސަލައާ ގުޅިގެން ދެ ޑޮކްޓަރަކު ސަސްޕެންޑްކޮށްފި އެވެ.
މައްސަލައިގެ ފެށުން - ބަނޑުގައި ރިިއްސައި ހޮޑުލާތީ ފުވައްމުލަކު ހޮސްޕިޓަލަށް ގެންދިޔަ ސަދާ މަރުވީ މިދިޔަ އޮކްޓޯބަރު 3ގައި އެ ހޮސްޕިޓަލްގައި އެޑްމިޓްކޮށް ފަރުވާ ދެމުން ދަނިކޮށެވެ. ދެމަފިރިއެއްގެ ހުރި ހަމައެކަނި އަންހެން ދަރިފުޅު މަރުވީ ހޮސްޕިޓަލްގެ ފަރުވާކުޑަކަމުން ކަމަށް ބުނެ އާއިލާ އިން ނުރުހުން ފާޅުކޮށް މުޒާހަރާކުރަން ފެށުމުން ހެލްތުން ނިންމީ އެ މައްސަލަ ބެލުމަށެވެ.
އެގޮތުން:
-
މިނިސްޓްރީން ހިންގި ތަހުގީގުން އެނގުނު ގޮތުގައި، އެކަމުގައި އިހުމާލުތަކެއް ވަނީ ހިނގާފައި
-
ސަދާ މަރުވީ އެ ކުއްޖާގެ ހާލަތު ބެލުމެއް ނެތި ދިން ނުގުޅޭ ފަރުވާތަކެއްގެ ސަބަބުން ކަމަށް ވާތީ އެ ކަމުގައި އިހުމާލުވި އެ ހޮސްޕިޓަލްގެ ޑޮކްޓަރުންނާއި ނަރުހުންނަށް ފިޔަވަޅު އެޅުމަށް އެ ތަހުގީގު ރިޕޯޓުގައި ލަފާ ދީފައިވޭ
ތަފްސީލު - އެ ކުއްޖާގެ ބައްޕައަށް މިނިސްޓްރީން މިއަދު ފިނުވި ސިޓީގައި ބުނީ، މޯލްޑިވްސް މެޑިކަލް އެންޑް ޑެންޓަލް ކައުންސިލުން ދެ ޑޮކްޓަރެއްގެ ލައިސަންސް ސަސްޕެންޑުކޮށްފައިވާ ކަމަށެވެ.
ނާސިން އެންޑް މިޑްވައިފަރީ ކައުންސިލުން އެ މައްސަލަ މުރާޖައާކުރުމުގެ މަސައްކަތްކުރަމުން އަންނަ ކަމަށް ވެސް އެ ސިޓީގައި ކުއްޖާގެ ބައްޕައަށް ވަނީ އަންގާފަ އެވެ. ނަމަވެސް އެކަމުގެ ތަފްސީލެއް ނުދެ އެވެ.
ފަސްމަންޒަރު - އެ މައްސަލަ ތަހުގީގުކުރުމަށް ފަހު ހެލްތުން ހަދާފައިވާ ތަހުގީގު ރިޕޯޓުގައި ބުނެފައި ވަނީ:
-
ފުވައްމަލަކު ހޮސްޕިޓަލުން ސަދާއަށް ފަރުވާ ދޭން ފެށުމުގެ ކުރިން އޭނާއަށް އެޓެންޑުވި ހޮސްޕިޓަލްގެ ކުޑަކުދިންގެ ބަލިތަކާ ބެހޭ ޑޮކްޓަރު، ސަދާއަށް ދިމާވަމުން އައި ސިއްހީ މައްސަލަ ދެނެގަތުމަށް އެއްވެސް ވަރަކަށް އިވެލުއޭޝަނެއް ނުހަދާ ކަމަށް
-
ކުއްޖާއަށް ދިމާވަމުން އައި ސިއްހީ މައްސަލަ ބަލާފައި ނުވާ ކަމަށް
-
އެހެންވުމުގެ ސަބަބުން ސަދާއަށް ހޮސްޕިޓަލުން ނުބައި ފަރުވާތަކެއް ދެވުމުގެ ސަބަބުން އޭނާ މަރުވީ ކަމަށް
އިތުރަށް ކިޔާލަން -