ކަނޑުތައް ގަދަވެ، މުޅި ރާއްޖެއަށް ވައިޓް އެލާޓް

ރާއްޖެއަށް ކުރަމުންދާ ވިއްސާރާގައި ކަނޑުތައް ގަދަވާނެ ކަމަށް ލަފާކޮށް، މޫސުމާ ބެހޭ ގައުމީ އިދާރާ (މެޓު)ން ނެރުނު ވައިޓް އެލާޓްގެ މުއްދަތު އިތުރުކޮށްފި އެވެ.

ވީ ކިހިނެއް؟ - މެޓު އޮފީހުން ވަނީ މިއަދު ދެ ފަހަރެއްގެ މަތިން ވައިޓް އެލާޓް ނެރެފަ އެވެ. ފުރަތަމަ ނެރުނީ ހއ.އިން ފެށިގެން ރ. އަތޮޅަށް އަދި ލ. އަތޮޅުން ފެށިގެން އައްޑުއާ ހަމައަށެވެ. އަދި ފަހުން ވައިޓް އެލާޓްގެ ސަރަހައްދު މުޅި ރާއްޖެއަށް ބަދަލުކޮށް، އިރުއޮއްސި 6:30އާ ހަމައަށް އިތުރުކުރި އެވެ.

ތަފްސީލު - މޫސުމަށް އިތުރު ބަދަލެއް ނާންނާތީ މެޓު އޮފީހުން ވަނީ ވައިޓް އެލާޓްގެ ވަގުތު މިރޭ ދަންވަރު 1 ޖެހުމާ ހަމައަށް އިތުރުކޮށްފަ އެވެ.

އެލާޓްގެ މުއްދަތު އިތުރުކޮށް މެޓުން ލަފާކުރީ:

އެލާޓް ނެރެފައިވާ ވަގުތުގައި ރާއްޖޭގެ އެކި ހިސާބުތަކަށް ވިއްސާރަ ކުރާނެ ކަމަށާއި ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާ ކަމަށް ވެސް މެޓުން ލަފާކުރެ އެވެ.