ބީއެމްއެލް މުވައްޒަފުންގެ ޗެރިޓީ ދުވުން ބާއްވައިފި

ބޭންކް އޮފް މޯލްޑިވްސް (ބީއެމްއެލް) ސްޓާފް ޗެރިޓީ ރަން ބާއްވައި ޑައިބެޓިކް ސޮސައިޓި އޮފް މޯލްޑިވްސްއަށް ފައިސާގެ އެހީތެރިކަން މިއަދު ފޯރުކޮށްދީފި އެވެ.

ވީ ކިހިނެއް؟ - މިއަދު ހެނދުނު ހުޅުމާލޭގައި ބޭއްވި ޗެރިޓީ ރަން ނިންމާލުމަށް ފަހު އެ ޖަމިއްޔާއަށް ބޭންކުން ވަނީ 50،000ރ. ހަދިޔާ ކޮށްފަ އެވެ.

ތަފްސީލް - ކޮންމެ އަހަރަކު ވެސް ބާއްވަމުން އަންނަ ޗެރިޓީ ރަންގައި މި އަހަރު 300އަށް ވުރެ ގިނަ މުވައްޒަފުން ބައިވެރިވި އެވެ. އޭގެ ތެރޭގައި، އަތޮޅުތެރޭގައި ބޭންކުން ގާއިމްކޮށްފައިވާ ބްރާންޗުތަކުގެ ބައެއް މުވައްޒަފުން ވެސް ހިމެނެ އެވެ.

މުޖުތަމައަށް ފައިދާ ހުރި މަސައްކަތްތައްކުރާ ޖަމިއްޔާ އަދި ޖަމާއަތްތަކަށް އެހީވުމަށް ބީއެމްއެލްގެ މުވައްޒަފުންގެ ކްލަބުން އިސްނަގައިގެން ބާއްވާ ބީއެމްއެލް ސްޓާފް ޗެރިޓީ ރަން އަކީ 2017 އިން ފެށިގެން ބާއްވަމުން އަންނަ ހަރަކާތެކެވެ.