ހިޔާ ފްލެޓެއްގައި މިއަދު ހަވީރު ހިނގި އަލިފާނުގެ ހާދިސާ (ފޮޓޯ/ އެމްވީ ކްރައިސިސް)
ހިޔާ ފްލެޓެއްގެ އުދުނެއްގައި ރޯވެ އަލިފާނުގެ ހާދިސާއެއް ހިނގައިފި
ހިޔާ ފްލެޓް ބަދިގެއެއްގައި ރޯވެ ނުރައްކާތެރި އަލިފާނުގެ ހާދިސާއެއް ހިނގައިފި އެވެ.
ވީކިހިނެެއް؟ - ހިޔާ ފްލެޓްތަކުގެ ހަވަނަ ޓަވަރުގެ ފުރަތަމަ ފަންގިފިލާގައި އަލިފާނުގެ ހާދިސާއެއް ހިނގައިގެން ހަރަކާތްތެރިވާ ވީޑިއޯއެއް ސޯޝަލް މީޑިއާގައި މިއަދު ވަނީ ދައުރުވެފަ އެވެ.
ތަފްސީލް - އެ ވީޑިއޯއާ ގުޅޭ ގޮތުން އެޗްޑީސީގެ އޮފިޝަލަކު މިއަދު 'ދައުރު'އަށް ވިދާޅުވީ އަލިފާނުގެ ހާދިސާ ހިނގީ މިއަދު ހަވީރުގެ ވަގުތެއްގައި ކަމަށާއި މާ ގިނައިރުތަކެއް ނުވަނީސް އެޗްޑީސީގެ ސެކުއިރިޓީ ޓީމުން އަލިފާން ނިއްވާލާފައިފާ ކަމަށެވެ.
އޭނާ ވިދާޅުވީ އަލިފާން ރޯވީ އެ އެޕާޓްމަންޓްގެ ބަދިގޭގަ އެވެ. ބަދިގެއަށް ކޮންމެ ވެސް ވަރެއްގެ ގެއްލުންތަކެއް ލިބިފައިވާ ކަމަށް ވެސް ވިދާޅުވި އެވެ.
"މާ ބޮޑު ތަފްސީލްތަކެއް އަދި ނެތް ދެވެން،" ގެއްލުމުގެ ތަފްސީލުތަކާ ގުޅޭ ގޮތުން ސުވާލު ކުރުމުން އޭނާ ވިދާޅުވި އެވެ.
މި ހާދިސާގައި މީހަކަށް އަނިޔާއެއް ވެފައެއް ނުވެ އެވެ.
އޮފިޝަލް ވިދާޅުވި ގޮތުގައި އެ ހާދިސާ ހިނގީ ބަދިގޭގައި އުނދުން ރޯކުރަން އުޅުމުގެ ތެރޭގައި ކަމަށް މިހާތަނަށް ލިބުނު މައުލޫމާތުތަކުން ވަނީ އެނގިފަ އެވެ.
ހާދިސާއާ ގުޅޭ ގޮތުން އެމްއެންޑީއެފްގެ ބަހެއް އަދި ނުލިބެ އެވެ.
ކޮމެންޓް