ހައުސިން މިނިސްޓަރު ޑރ. އަލީ ހައިދަރު. (ދައުރު ފޮޓޯ/ހުސައިން ސުނޭން)
އައިކޮމްގެ އަޑުއެހުމަށް ނުދެވުނީ މުވައްޒަފެއްގެ އިހުމާލުން، ފިޔަވަޅު އަޅައިފިން: ހައުސިން
އިންފޮމޭޝަން ކޮމިޝަނަރުގެ އޮފީސް (އައިކޮމް)ގެ އަޑުއެހުމަކަށް ހާޒިރުނުވެވުނީ މުވައްޒަފެއްގެ އިހުމާލުން ކަމަށް ހައުސިން މިނިސްޓްރީން ބުނެފި އެވެ.
ވީ ކިހިނެއް؟ - މައުލޫމާތު ހޯދަން އެދި ހުށަހެޅި ހުށަހެޅުމަކަށް ހައުސިން މިނިސްޓްރީން ޖަވާބު ނުދީގެން އެ މައްސަލަ ބަލަން ތާވަލުކުރި އަޑުއެހުމަކަށް މިނިސްޓްރީން ހާޒިރުނުވުމުން އައިކޮމްއިން ވަނީ ހައުސިން މިނިސްޓްރީ 350ރ.އިން ޖޫރިމަނާކޮށްފަ އެވެ.
ތަފްސީލު - އެކަމާ ގުޅިގެން ހައުސިން މިނިސްޓްރިން މިއަދު ނެރުނު ނޫސް ބަޔާނެއްގައި ބުނީ މައުލޫމާތު ހޯދައި ލިބިގަތުމުގެ ގާނޫނުގެ ދަށުން މައުލޫމާތު ހޯދަން އެދި ހުށަހަޅާ ހުށަހެޅުންތަކަށް ކަނޑައެޅިފައިވާ މުއްދަތުގައި މައުލޫމާތު ފޯރުކޮށްދިނުމަށް ވަރަށް ބޮޑަށް އިސްކަންދޭ ކަމަށެވެ.
"7 ނޮވެމްބަރު 2024ގައި އިންފޮމޭޝަން ކޮމިޝަނަރުގެ އޮފީހުގެ ފަރާތުން މި މިނިސްޓްރީ ޖޫރިމަނާ ކުރިކުރުމަކީ މި މިނިސްޓްރީގެ މުވައްޒަފެއްގެ އިހުމާލުން ހިނގާފައިވާ ކަމެއް ކަމާއި އެހެންކަމުން އެ މުވައްޒަފާ ދޭތެރޭގައި ސިވިލް ސާވިސް ގަވާއިދުގައި ގޮތުގެ މަތިން ފިޔަވަޅު އެޅުމުގެ ކަންކަން ކުރިއަށް ގެންދެވިފައިވާ ވާހަކަ ދަންނަވަމެވެ،" މިނިސްޓްރީގެ ބަޔާނުގައި ބުނެފައިވެ އެވެ.
މިފަދަ ކަންކަން ތަކުރާރުވިޔަ ނުދިނުމަށްޓަކައި ކަމާގުޅޭ އުސޫލުތައް ހަރުދަނާ ކުރުމުގެ މަސައްކަތް ކުރަމުން އަންނަ ކަމަށް ވެސް ހައުސިން މިނިސްޓްރީން ބުންޏެވެ.
ކޮމެންޓް