އެމްއެންޔޫ އާއި މެލްބޯން ޔުނިވާސިޓީއާ ދެމެދު އެމްއޯޔޫގައި ސޮއިކުރުން. (ފޮޓޯ/އެމްއެންޔޫ)
އެމްއެންޔޫ އާއި މެލްބޯން ޔުނިވާސިޓީ ގުޅިގެން މަސައްކަތް ކުރަން އެމްއޯޔޫއެއް
ރާއްޖޭގެ ގައުމީ ޔުނިވާސިޓީ (އެމްއެންޔޫ) އާއި އޮސްޓްރޭލިއާގެ މެލްބޯން ޔުނިވާސިޓީ ގުޅިގެން އެކްސްޗޭންޖް ޕްރޮގްރާމްތަކާއި ދިރާސާތަކެއް ހެދުމަށް އެމްއޯޔޫއެއްގައި ސޮއިކޮށްފި އެވެ.
ވީ ކިހިނެއް؟ - އިއްޔެ އެމްއެންޔޫގައި ބޭއްވި ރަސްމިއްޔާތެއްގައި އެ އެމްއޯޔޫގައި ސޮއިކުރެއްވީ:
-
އެމްއެންޔޫގެ ވައިސް ޗާންސެލަރު ޑރ. އައިޝަތު ޝެހެނާޒް އާދަމް
-
މެލްބޯން ޔުނިވާސިޓީގެ ފަރާތުން ރޮންޑާ ޑީ ބިއާސް
ބުނީ ކީކޭ؟ - އެމްއޯޔޫގައި ސޮއިކުރެއްވުމަށް ފަހު ޝެހެނާޒް ވިދާޅުވީ މެލްބޯން ޔުނިވާސިޓީ ފަދަ ތަނަކާ އެކު މިފަދަ މަސައްކަތެއް ގުޅިގެން ކުރުމަކީ އެމްއެންޔޫގެ އަމާޒުތަކާއި ލަނޑުދަނޑިތައް ހާސިލުކުރަން ލިބޭ ވަރަށް ބޮޑު ކުރިއެރުމެއް ކަމަށެވެ.
ތަފްސީލު - އެ އެމްއޯޔޫގެ ދަށުން ދެ ޔުނިވާސިޓީ ގުޅިގެން ދުނިޔެއަށް ކުރިމަތިވެފައިވާ އެކި މައްސަލަތަކާއި ދެމެހެއްޓެނިވި ތަރައްގީ އަދި ތައުލީމާއި ދިރާސާކުރުން ކުރިއަރުވަން މަސައްކަތް ކުރާނެ އެވެ.
އެ އެމްއޯޔޫއާ އެކު:
-
ގުޅިގެން ދިރާސާ ހެދުމުގެ ފުރުސަތު ތަނަވަސް ކުރެވޭނެ
-
އެކަޑެމިކް އެކްސްޗޭންޖް ޕްރޮގްރާމްތައް ހިންގޭނެ
-
ދަރިވަރުންނާއި ފެކަލްޓީ އަދި ދެ ޔުނިވާސިޓީ ނިސްބަތްވާ މުޖުތަމައަށް ފައިދާކުރާ އެހެން މަސައްކަތްތައް ކުރެވޭނެ
ގައުމީ ޔުނިވާސިޓީ
ކޮމެންޓް