ގައުމަށް ގަދަރުކުރާ ޖީލެއް ބިނާ ކުރެވޭތީ ސާޖިދާ އުފަލުން

މި ސަރުކާރަށް ވީ އެއް އަހަރުގެ ތެރޭގައި ގައުމަށް ގަދަރުކުރަން އެނގޭ ޖީލެއް ބިނާކުރުމުގެ މަގުތައް ހުޅުވޭތީ އެކަމާ އުފާކުރައްވާ ކަމަށް ރައީސްގެ އަނބިކަނބަލުން ސާޖިދާ މުހައްމަދު ވިދާޅުވެއްޖެ އެވެ.

ބުނީ ކީކޭ؟ - ދިވެހި ގައުމިއްޔަތުގެ އިސްވަރުގެ އޮފީސް ހުޅުވައިދެއްވައި، އެކަމަށް ބޭއްވި ރަސްމިއްޔާތުގައި ވާހަކަ ދައްކަވަމުން ސާޖިދާ ވިދާޅުވީ ދިވެހި ގައުމިއްޔަތުގެ އިލްމަކީ ދިވެހިން ދެމިތިބުމާ ގުޅިފައިވާ އިލްމެއް ކަމަށެވެ.

ކޮންމެ ގައުމެއްގައި ވެސް އޮންނާނީ އެ ގައުމެއްގެ އަމިއްލަ ގައުމިއްޔަތެއްކަން ފާހަގަކުރައްވައި ސާޖިދާ ވިދާޅުވީ ރާއްޖޭގައި އޮންނަން ވާނީ ދިވެހިންގެ އަމިއްލަ، ދިވެހި ގައުމިއްޔަތެއް ކަމަށެވެ. އަދި ސާޖިދާ ވިދާޅުވީ، އެއީ ދިވެހި ދަރިންގެ ގައުމީ ވިސްނުން ބިނާވާން ޖެހޭ އަސާސްތައް ކަމަށެވެ.

މަންމައެއްގެ ހައިސިއްޔަތުން އެންމެ އުފާވާ ކަމަކީ، ސާޖިދާ ވިދާޅުވި ގޮތުގައި އެފަދަ ޖީލެއް ބިނާކުރުމުގެ މަގުތައް މިހާރު ތަނަވަސް ކުރެވިފައިވާތީ އެވެ.

"އިލްމީ ގޮތުން ދިވެހި ގައުމާ އެއްކޮޅަށް ވިސްނަން އެނގޭ ކަހަލަ، އަމިއްލަ ނަފުސާއި އަމިއްލަ ގައުމަށް ގަދަރު ކުރަން އެނގޭ ޖީލެއް ބިނާވުމުގެ މަގުތައް ހުޅުވޭތީ،" ސާޖިދާ ވިދާޅުވި އެވެ.

ތަފްސީލު - ސާޖިދާގެ ވާހަކައިގައި މި ސަރުކާރަށް ވީ އެއް އަހަރުގެ ތެރޭގައި އެ އަމާޒަށް ވާސިލުވާން ކުރި މަސައްކަތްތަކަށް ވެސް އަލިއަޅުވާލެއްވެވި އެވެ.

އޭގެ ތެރޭގައި ހިމެނެނީ:

ސާޖިދާ ވިދާޅުވީ ގައުމިއްޔަތުގެ އިސްވަރު އޮފީސް ހުޅުވުމުން މަސައްކަތްތައް އިތުރުވުމާ އެކު މަސައްކަތްތައް ހަލުވި ވެސް ވާނެ ކަމަށެވެ.

އެނގުން މުހިންމު - ދިވެހި ގައުމިއްޔަތުގެ އިސްވަރު އޮފީހަކީ މިދިޔަ މާޗުގައި ރައީސް މުހައްމަދު މުއިއްޒު ގާއިމުކުރެއްވި ގައުމިއްޔަތުގެ އިސްވަރުގެ އަމަލީ މަސައްކަތްތައް މިވަގުތަށް ކުރިއަށް ގެންދިއުމަށް ހުޅުވި އޮފީހެކެވެ.

ގައުމިއްޔަތުގެ އިސްވަރަކީ ގައުމިއްޔަތުގެ ދިރާސާތައް ހެދުމަށް ސަރުކާރުން އުފައްދަން ނިންމާފައިވާ ކޮލެޖެކެވެ. މިދޔަ ސެޕްޓެމްބަރުގައު ރައީސް ވަނީ އެ ކޮލެޖު އިފްތިތާހުކޮށްދެއްވާފަ އެވެ.