އއ. ރަސްދޫގައި އަޅާ 50 ހައުސިން ޔުނިޓްގެ ބިންގާ މިއަދު އަޅުއްވަައިދެއްވަނީ
މަސައްކަތް ހަވާލުކުރިތާ އަހަރެއް ފަހުން ރަސްދޫގެ ފްލެޓްތަކުގެ ބިންގާ އަޅައިފި
މަސައްކަތް ހަވާލުކުރިތާ އަހަރެއް ފަހުން، އއ. ރަސްދޫގެ ހައުސިން ޔުނިޓްތަކުގެ ބިންގާ މިއަދު އަޅައިފި އެވެ.
ވީ ކިހިނެއް؟- ރަސްދޫގައި ސަރުކާރުން އިމާރާތްކުރާ 50 ހައުސިން ޔުނިޓް އެޅުމުގެ މަސައްކަތް، އެސްޖޭ ކޮންސްޓްރަކްޝަންއާ ހަވާލުކޮށްފައިވަނީ މިދިޔަ އަހަރުގެ ސެޕްޓެމްބަރު މަހުގަ އެވެ. އެއީ ނުވަ މަސް ދުވަހުގެ ތެރޭގައި ނިންމުމަށެވެ.
އަމަލީ އެއްވެސް މަސައްކަތެއް ނުހިނގާތާ ގިނަ ދުވަސްތަކެއް ފަހުން ހައުސިން ޔުނިޓްތަކުގެ ބިންގާ އަޅުއްވައިދެއްވީ ހައުސިން މިނިސްޓަރު ޑރ. އަލީ ހައިދަރު އަހުމަދާއި ރަށުގެ ބައެއް ވެރިންނެވެ.
މި މަޝްރޫއަށް ބަލާއިރު:
-
ފްލެޓްތައް އަޅަން ސަރުކާރުން 84.2 މިލިއަން ރުފިޔާ ހަރަދުކުރޭ
-
ކޮންމެ ހައުސިން ޔުނިޓެއްގައި 1،000 އަކަފޫޓު ހުރޭ
-
އެ އިމާރާތުގައި ތިން ކޮޓަރި އާއި ތިން ފާހަނާ އަދި ސިޓިންގް ރޫމާއި ބަދިގެ އާއި ކާގެ އާއި ލޯންޑަރީ ހިމެނޭ
ކޮމެންޓް