ޓްރީ ޓޮޕްގެ ޑިސެމްބަރު ހިތާނީ ކޭމްޕުގައި ރަޖިސްޓްރީވާން ހުޅުވާލައިފި

ޓްރީ ޓޮޕް ހޮސްޕިޓަލްއިން މި އަހަރުގެ ދެވަނަ ހިތާނީ ކޭމްޕްގައި ރަޖިސްރީ ކުރުމަށް އިއްޔެ ހުޅުވާލައިފި އެވެ.

ވީ ކިހިނެއް؟ - މި ކޭމްޕުގައި ބައިވެރިވުމަށް ޝައުގުވެރިވާ ފަރާތްތަކަށް އަންނަ މަހުގެ 27ގެ ނިޔަލަށް ނަން ނޯޓުކުރުމުގެ ފުރުސަތު ވަނީ ހުޅުވާލާފަ އެވެ.

ތަފްސީލް - މި ކޭމްޕުގައި ހިދުމަތް ދެއްވުމަށް ހަމަޖެހިފައިވަނީ އޮޕަރޭޝަނަށް ފަރުވާއަށް ހާއްސަ ޑޮކްޓަރުންނާއި ކުޑަކަމުދާ ނިޒާމުގެ ހާއްސަ ޑޮކްޓަރުން ހިމެނޭ ގޮތަށް ތަޖުރިބާކާރު ޓީމެކެވެ. މި ޓީމުގައި ހިމެނިވަޑައިގަންނަވަނީ:

ބުނީ ކީކޭ؟ - ޓްރީ ޓޮޕް ހޮސްޕިޓަލުގެ ޗީފް އެކްޒެކެޓިވް އޮފިސަރު ޑރ. ސްރިވަސްތަން ސްރީދާރް ވިދާޅުވީ، މި އަހަރުގެ ކުރީކޮޅު ހިތާނީ ކޭމްޕުތަކަށް ލިބުނު ތަރުހީބު ޑިސެމްބަރަށް ލިބޭނެ ކަމަށް އުއްމީދުކުރައްވާ ކަމަށެވެ.

މި ކޭމްޕު ކުރިއަށް ގެންދާއިރު ކުދިންނަށާއި މައިންބަފައިންނަށް ހިތްހަމަޖެހޭ މާހައުލެއް ގާއިމުކުރުމަށް އިސްކަން ދޭ ކަމަށާއި އެންމެ ފުރިހަމައަށް ހިދުމަތްތައް ދިނުމަށް ޑޮކްޓަރުންގެ ޓީމެއް އެކުލަވާލާފައިވާކަން ވެސް އޭނާ ފާހަގަކުރެއްވި އެވެ.

އެނގުން މުހިންމު - ހިތާނީ ޕެކޭޖުގެ އަގަކީ 5,000ރ. އެވެ. މީގެ އިތުރުން، ކޮޓަރި އަޕްގްރޭޑް ކުރުމަށާއި ޕްރައިވެޓް ކޮޓަރިތަކަށް ހާއްސަ އަގުތަކެއް ހަމަޖައްސާފައިވެ އެވެ.