މެނީލާގައި ހުންނަ އޭޑީބީގެ ހެޑްކުއާޓާސް.
މޫސުމީި ބަދަލުތަކާއި ކާބޯތަކެއްޗަށް އޭޑީބީން ރާއްޖެއަށް 21 މިލިއަން ޑޮލަރު ދެނީ
މޫސުމަށް އަންނަ ބަދަލުތަކާ ދެކޮޅަށް ކުރާ މަސައްކަތްތަކާއި ކާބޯތަކެތީގެ ރައްކާތެރިކަން ކަށަވަރުކުރުމަށް ރާއްޖެއިން ކުރާ މަސައްކަތަށް 21.95 މިލިއަން ޑޮލަރު ދޭން އޭޝިއަން ޑިވެލޮޕްމަންޓް ބޭންކް (އޭޑީބީ)އިން ނިންމައިފި އެވެ.
ވީ ކިހިނެއް؟ - އޭޑީބީން މިއަދު އިއުލާންކުރި ޕެކޭޖުގައި ހިމެނެނީ:
-
4 މިލިއަން ޑޮލަރުގެ ލުއި ލޯނެއް
-
އޭޝިއަން ޑިވެލޮޕްމަންޓް ފަންޑުން އެންމެ ފަގީރު އަދި ތަރައްގީވަމުން އަންނަ ނާޒުކު މެމްބަރު ގައުމުތަކަށް ދޭ 17.95 މިލިއަން ޑޮލަރުގެ ހިލޭ އެހީ
ތަފްސީލް - އޭޑީބީން ބުނި ގޮތުގައި، މޫސުމީ ބަދަލުތަކާއި ކާބޯތަކެތީގެ ރައްކާތެރިކަން ކަށަވަރުކުރުމަށް ހިންގާ މި މަޝްރޫއުގެ ދަށުން:
-
މޫސުމީ ކާރިސާތަކާ ގުޅިގެން ދުރާލާ އިންޒާރުދިނުމަށް މާލެ އަދި އައްޑޫގައި ގާއިމުކޮށްފައިވާ ނިޒާމުތައް އަޕްގްރޭޑް ކުރެވިގެންދާނެ
-
މި ސިސްޓަމްތައް އަޕްގްރޭޑްކުރުމުން ރާއްޖޭގެ މޫސުމާ ބެހޭ ގައުމީ އިދާރާ (މެޓް)އަށް ރިއަލް ޓައިމްކޮށް މޫސުމާއި އާލީ ވާނިން ސިސްޓަމް މޮނިޓާ ކުރެވިގެންދާނެ
-
ހދ. ކުޅުދުއްފުށީގައި ދިމާވާ ފެން ބޮޑުވުމުގެ ހާދިސާތައް މެނޭޖުކުރުމަށް ފެން ހިންދުމާއި ފިލްޓަރޭޝަންގެ ނިޒާމު ގާއިމުކުރެވޭނެ
-
ކަނޑޫފާގެ ސަރަހައްދުތައް އަލުން އާލާކޮށް ގުދުރަތީ އެހެން ވެސް ހައްލުތައް ގެނެވޭނެ
-
ރަށް ގިރުން ފަދަ ކަންކަން ހުއްޓުވުމަށް މަސައްކަތްތަކެއް ކުރެވިގެންދާނެ
-
ދިގު މުއްދަތަކަށް ކާބޯތަކެތީގެ ރައްކާތެރިކަން ކަށަވަރުކުރަން އެހީވުމުގެ ގޮތުން ކްލައިމެޓް ސްމާޓް އާބަން ފާމިން ޓެކްނޮލަޖީ ތައާރަފުކޮށް އައްޑޫ އަދި ހދ. އަތޮޅުގައި އެކަން ފަށާނެ
ކޮމެންޓް