ޓޫރިސްޓުންނަށް ދެން ގެނެވޭނީ 10 ސިނގިރޭޓް ފޮށި

ޓޫރިސްޓު ވިސާގައި ރާއްޖެ އަންނަ ފަރާތްތަކަށް 19 ސިނގިރޭޓުގެ ފޮއްޓެއް ގެނެވޭ ގޮތަށް އޮތް އުސޫލު 200 ސިނގިރޭޓަށް ނުވަތަ 10 ފޮއްޓަށް ބަދަލުކޮށްފި އެވެ.

ވީ ކިހިނެއް؟ - މި މަހު 5ގައި ދުންފަތް ނުވަތަ ނިކޮޓިން އެކުލެވޭ ބާވަތްތަކާއި އެފަދަ ތަކެތި ބުއިމަށް ބޭނުންކުރާ އާލާތްތަކުން ޑިއުޓީ އިނާޔަތް ދިނުންވަނީ ހުއްޓާލާފަ އެވެ. އެއާ އެކު ރާއްޖޭން ބޭރުން އަންނަ ދަތުރުވެރިން ގެންނަ ނިކޮޓިން އެކުލެވޭ ބާވަތްތަައް ކަސްޓަމްސްއަށް ޑިކްލެއާ ކުރަން ޖެހޭ ގޮތަށް ވަނީ އުސޫލު ބަދަލުވެފަ އެވެ. އެ ބަދަލުގައިވާ ގޮތުން:

ތަފްސީލް - ނަމަވެސް އެ ނިންމުން ބަދަލުކޮށް ކަސްޓަމްސް އިން މިއަދު ވަނީ ސާކިއުލާއެއް ނެރެފަ އެވެ. އޭގައިވާ ގޮތުން ޓޫރިސްޓު ވިސާގައި އަންނަ ކޮންމެ މީހަކަށް 200 ސިނގިރޭޓު ގެނެވޭނެ އެވެ. އަދި:

ފާހަގަ ކުރެވޭ - ދުންފަތާއި ނިކޮޓިން އެކުލެވޭ ބާވަތްތަކާއި ޝީޝާ އަދި އީ-ސިނގިރޭޓުން ޑިއުޓީ އިނާޔަތް ދިނުން ހުއްޓާލަން މީގެ ކުރިން ދެ ފަހަރަކު ތާރީހު ކަނޑައެޅި ނަމަވެސް އެ ސުންގަނޑި ފަސްކުރި އެވެ.

 'ދަތުރުވެރިން ގެންނަ ތަކެއްޗާއި އަމިއްލަ ފަރާތްތަކުން ކުދިކުދި ބޭނުންތަކަށް ގެންނަ ތަކެއްޗާއި ވިޔަފާރި ސާމްޕަލްގެ ގޮތުގައި ގެންނަ ތަކެތިން ޑިއުޓީ މައާފު ކުރުމުގެ އުސޫލު'ގެ ދަށުން ދަތުރުވެރިން ރާއްޖެ އަަންނައިރު ގެންނަ ތަކެއްޗާއި އަމިއްލަ ފަރާތްތަކުގެ ކުދިކުދި ބޭނުންތަކަށް ގެންނަ ތަކެތިން ޑިއުޓީ މައާފްވާ މިންވަރު 10،000ރ.އަށް ވަނީ މިހާރު ބޮޑުކޮށްފަ އެވެ.

ގުޅުންހުރި - މި މަހުގެ 1 އިން ފެށިގެން ސިނގިރޭޓާއި ބިޑިން ނަގާ ޓެކްސް ބޮޑުކޮށް، އެ ތަކެތިން ނަގާ އިމްޕޯޓު ޑިއުޓީ ވެސް ބޮޑު ކުރުމަށް އިމްޕޯޓު އެކްސްޕޯޓުގެ ގާނޫނަށް ވަނީ އިސްލާހު ގެނެސްފަ އެވެ. މީގެ އިތުރުން، ވޭޕްކުރުމަށް ބޭނުންކުރާ ތަކެއްޗާއި އެ ތަކެތީގެ ވަކިވަކި ބައިތައް ރާއްޖެއަށް އެތެރުކުރުން މި މަހުގެ 15 އިން ފެށިގެން މަނާކުރަން ނިންމައި ދުންފަތް ކޮންޓްރޯލް ކުރުމާ ބެހޭ ގާނޫނަށް އިސްލާހު ގެނައުމުގެ މަސައްކަތް ދަނީ ކުރަމުންނެވެ.