ރަހީނުކުރި މައްސަލާގައި ހައްޔަރުކުރި މީހުންގެ ފޮޓޯތަކާއި ވަނަވަރު (ފޮޓޯ/ ޕޮލިސް)
ރަހީނުކުރި މައްސަލާގައި ހައްޔަރުކުރި މީހުންގެ ވަނަވަރު އާންމުކޮށްފި
ހިޔާ ފްލެޓެއްގައި ގްރޫޕަކުން ދިވެހި ފިރިހެނަކު ރަހީނުކޮށް، އިނގިލި ބުރިކޮށްލަން އުޅެނިކޮށް ފުލުހުން ވަދެ، ހައްޔަރުކުރި 12 މީހުންގެ ވަނަވަރު މިއަދު އާންމުކޮށްފި އެވެ.
ވީ ކިހިނެއް؟ - އެކަން ހިނގީ މިދިޔަ ބުރާސްފަތި ދުވަހުގެ ރޭގެ ވަގުތެއްގައި ހިޔާ H9 ޓަވަރުގެ 20 ވަނަ ފަންގިފިލާގެ 11 ވަނަ އެޕާޓްމަންޓުގަ އެވެ.
ތަފްސީލް - ފުލުހުން މީޑިއާތަކަށް ފޮނުވި މެސެޖުގައިވާ ގޮތުން ހައްޔަރުކުރި މީހުންނަކީ:
-
1-
އަލްމަން އަލީ ހާލިދު، 22، ގދ.ވާދޫ/ވެހި
-
2-
މުހައްމަދު އިޒްކާން، 18، މ. ހަތިކަނޑު
-
3-
އިޒާން އަހުމަދު، 18، ޒުނައިޓްވިލާ/ކ. ގުރައިދޫ
-
4-
އަހުމަދު ޒާހިދު، 36، ދަންމަރު/ ށ.ފޯކައިދޫ
-
5-
އާދަމް ހުސައިން، 48، ޖަމީލާ މަންޒިލް/ލ. މާވަށް
-
6-
އިބްރާހީމް ނަޝީދު، 34، ހިޔާލީގުލްޝަން/ލ.އިސްދޫ
-
7-
އަހުމަދު ސަމީހު، 22، ނައިޓްސްޓާ/ބ.ގޮއިދޫ
-
8-
އިސްމާއީލް ވިޝާމް މުހައްމަދު، 29، ވ. ގާމާ
-
9-
ވިޝާމް މުހައްމަދު، 23، ޗިޗަންޑާގެ/ގދ.ވާދޫ
-
10-
ވިސާން މުހައްމަދު، ހިޔާ 03-17-14/ހުޅުމާލެ
-
11-
މުޝްތާގު ޝާކިރު، 37، ޖަނަވަރީގެ/ގދ.ވާދޫ
-
12-
ހަސަން ގާލިބު، 38، އާރެސް/މ.ކޮޅުފުށި
މީގެ ތެރެއިން އަލްމަން އާއި އާދަމް ހުސައިން އަދި އިޒާން ފިޔަވައި ދެން ތިބި އެންމެންގެ ބަންދަށް ކްރިމިނަލް ކޯޓުން ވަނީ ހަތް ދުވަހުގެ މުއްދަތެއް ޖަހައިފަ އެވެ. މި ތިން މީހުން ބަންދުކުރަން އަމުރުކުރީ ފަސް ދުވަހަށެވެ.
މި އެންމެން ހައްޔަރުކުރީ ފުލުހުން ހިންގި ހާއްސަ އޮޕަރޭޝަނެއްގައި އެ ފްލެޓަށް ވަދެގެންނެވެ.
ފާހަގަކުރެވޭ ކަމެއް؟ - ހޯމް މިިނިސްޓަރު އަލީ އިހުސާން 'ދައުރު'އަށް ވިދާޅުވެފައިވާ ގޮތުގައި އެއީ މީގެ ކުރިން ވެސް މަސްތުވާތަކެތީގެ މައްސަލަތަކުގައި ފުލުހުން ބަލައިފާސްކޮށްފައިވާ ފްލެޓެކެވެ.
"މަސްތުވާތަކެތި ބޭނުންކުރާ ތަނެއް ކަމަށް ފުލުހުންނަށް ފާހަގަވެފައި އޮތް ތަނެއް އެއީ. މީގެ ކުރިން ހަތަރު ވަރަކަށް ފަހަރު ރެއިޑްކުރި ވެސް ކުރި،" އޭނާ އިއްޔެ ވިދާޅުވި އެވެ.
އިހުސާން ވިދާޅުވީ ކުށުގެ އަމަލުތައް ހިންގާ މިފަދަ ތަންތަނާ މެދު އަމަލުކުރާނެ ގޮތްތައް ކަނޑައަޅަން ގާނޫނަށް ގެންނަން ބޭނުންވާ އިސްލާހުގައި ހިމަނާފައިވާނެ ކަމަށެވެ.
މިހާރު ވެސް އެޗުޑީސީއިން އެޕާޓްމަންޓުތައް ދޫކުރާއިރު ހަދާ އެއްބަސްވުމުގައި ގާނޫނާ ހިލާފު އެފަދަ ކަންކަން ނުކުރެވޭނެ ކަމަށް ބަޔާންކޮށްފައި އޮންނަ ކަމަށް ވެސް މިނިސްޓަރު ވިދާޅުވި އެވެ.
"އެޕާޓްމަންޓުގެ ވެރިފަރާތަށް [މިފަދަ ކަމެއް ހިނގާކަން[ އަންގާފައި، އެކަން ތަކުރާރުވަމުންދާ ނަމަ ވަކި ޕްރޮސެސްއެއްގެ ތެރެއިން އަޅުގަނޑުމެން އެކަން ކުރާނީ،" އިހުސާން ވިދާޅުވި އެވެ
ކޮމެންޓް