ރާއްޖެ އެތެރެކުރަން އުޅެނިކޮށް މިދިޔަ ބުރާސްފަތި ދުވަހު އަތުލައިގަތް މަސްތުވާތަކެތި؛ މި ތަކެތި ކެތިނޯން އަދި ކެނެބިސްއަށް ޕޮޒިޓިވްވެފައިވޭ
ރާއްޖެ އެތެރެކުރަން އުޅުނު 3 މިލިއަން ރުފިޔާގެ މަސްތުވާތަކެއްޗާއެކު ދިވެއްސަކު އަތުލައިގެންފި
ވައިގެމަގުން ރާއްޖެއެތެރެކުރަން އުޅުނު ޖުމްލަ 5.9 ކިލޯގްރާމްގެ މަސްތުވާތަކެއްޗާއެކު ދިވެއްސަކު ކަސްޓަމްސްއިން އަތުލައިގެންފި އެވެ.
ވީ ކިހިނެއް؟ - މިތަކެތި އަތުލައިގަނެފައިވަނީ ރާއްޖެ ގެނެސްފައިވާ އެއާފްރައިޓް ޝިޕްމަންޓެއް ބަލައިފާސްކުރުމުގެ ތެރޭގައި ޝައްކުކުރެވޭ ޒާތުގެ ބާވަތްތަކެއް ހުރުމުން، އިތުރަށް ބަލާ ފާސްކުރުމުގެ ތެރޭގަ އެވެ.
ތަފްސީލް - ކަސްޓަމްސް އިން މިއަދު ބުނިގޮތުގައި މި މައްސަލާގައި ތުހުމަތު ކުރެވިގެން ހައްޔަރުކޮށްފައިވަނީ 45 އަހަރުގެ ދިވެހި ފިރިހެނެކެވެ. މި މައްސަލަ އިތުރަށް ތަހުގީގު ކުރުމަށްޓަކައި، މައްސަލައިގައި އަތުލައިގަނެވުނު މަސްތުވާތަކެތި ވެސް ކަސްޓަމްސް އިން ވަނީ ފުލުހުންނާ ހަވާލުކޮށްފަ އެވެ.
ކަސްޓަމްސްއިން ބުނިގޮތުގައި:
-
މި މަސްތުވާތަކެތި ފެނިފައިވަނީ މިދިޔަ ބުރާސްފަތި ދުވަހު ބެންކޮކުން ރާއްޖެ ގެނެސްފައިވާ އެއާފްރައިޓް ޝިޕްމަންޓެއް ތެރެއިން
-
އެ ޝިޕްމަންޓުގައި މަސްތުވާތަކެތި ފޮރުވާފައި ހުރިކަމަށް ކަސްޓަމްސްއަށް ޝައްކުކުރެވިގެން އިތުރަށް ބެލިބެލުމުން، މަސްތުވާތަކެތި ކަމަށް ޝައްކުކުރެވޭ ތަކެތި ފެނިފައިވޭ
-
ފުރަތަމަ މަރުހަލާގައި މިތަކެތި ތަހުލީލުކުރިއިރު، މަސްތުވާތަކެތީގެ ތަފާތު ދެ ބާވަތެއް ކަމަށްވާ ކެތިނޯން އަދި ކެނެބިސް އަށް ޕޮޒިޓިވް ވެފައިވޭ
-
ކެތިނޯންގައި 416 ގްރާމް އަދި ކެނެބިސްގައި 5520 ގްރާމް ހުރި؛ ޖުމްލަ ބަރުދަނުގައި 5.9 ކިލޯގްރާމް ހުރި
-
މިތަކެތީގެ މަގުމަތީ އަގަކީ 3.3 މިލިއަން ރުފިޔާ
ކޮމެންޓް