ބީއެމްއެލް އިން ހިމަންދޫ ގައި ހުޅުވި އޭޓީއެމް (ފޮޓޯ/ބީއެމްއެލް)
ބީއެމްއެލްގެ އޭޓީއެމްއެއް ހިމަންދޫއަށް
ބޭންކު އޮފް މޯލްޑިވްސް (ބީއެމްއެލް) ގެ އޭޓީއެމް ސެންޓަރެއް އއ. ހިމަންދޫގައި ހުޅުވައިފި އެވެ.
ވީ ކިހިނެއް؟ - ބީއެމްއެލް އިން ބުނީ މިއީ އެ ބޭންކުގެ ބޭންކިން ހިދުމަތް ފުޅާ ކުރުމަށް ކުރާ މަސައްކަތުގެ ދަށުން ހުޅުވި އޭޓީއެމް ސެންޓަރެއް ކަމަށެވެ.
ތަފްސީލް - ހިމަންދޫގައި ހުޅުވި އާ އޭޓީއެމް ސެންޓަރު މެދުވެރިކޮށް ދުވާލަކު 24 ގަޑިއިރު އަސާސީ ބޭންކިން ހިދުމަތްތައް ލިބޭނެ ކަމަށް ވެސް ބޭންކުން ބުންޏެވެ.
-
މީގެ ތެރޭގައި ފައިސާ ނެގުމާއި، ޖަމާކުރުމާއި އަދި ފައިސާ ޓްރާންސްފާ ކުރުން ހިމެނޭ
-
މިއަދު ހިމަންދޫގައި ހުޅުވި އޭޓީއެމް ސެންޓަރުގެ އިތުރުން ބޭންކުން ވަނީ މި ހަފްތާ ތެެރޭ އެ އަތޮޅު ފެރިދޫ އާއި ބޮޑުފޮޅުދޫ ގައި ވެސް އޭޓީއެމް ސެންޓަރެއް ހުޅުވާފައި
-
މިއާއެކު ބީއެމްއެލް ވަނީ އއ. އަތޮޅުގައި 7 އޭޓީއެމް ސެންޓަރު ގާއިމްކޮށްފައި
މުޅި ރާއްޖެ ހިމެނޭ ބޭންކިން ވިއުގަޔަކާއެކު 20 އަތޮޅުގައި 39 ބްރާންޗް، 92 ސެލްފްސާވިސް ބޭންކިން ސެންޓަރު، 148 އޭޓީއެމް، އޭޖެންޓު ބޭންކިން ހިދުމަތުގެ އިތުރުން އެންމެ ޒަމާނީ އޮންލައިން ބޭންކިން ހިދުމަތާއެކު ބީއެމްއެލްގެ އަމާޒަކީ އާންމު ފަރުދުންނާއި ވިޔަފާރިތަކާއި ރާއްޖޭގެ އެކި ކަންކޮޅުތަކުގައިވާ މުޖުތަމައުތަކަށް އެހީތެރިކަން ފޯރުކޮށްދިނުން ކަމަށް އެ ބޭންކުން ބުންޏެވެ.
ކޮމެންޓް