ދިރާގު ރޯޑް ރޭސްގައި ދުވި މީހަކަށް ހާޓް އެޓޭކެއް ޖެހިގެން ފަރުވާދެނީ

ހުޅުމާލޭގައި މިއަދު ކުރިއަށްގެންދިޔަ ދިރާގު ރޯޑް ރޭސްގައި ދުވި ފިރިހެނަކަށް ހާޓް އެޓޭކެއް ޖެހިގެން ފަރުވާދޭން ފަށައިފި އެވެ. 

ތަފްސީލް - 'ދައުރު'އަށް އެނގިފައިވާގޮތުގައި އުމުރުން 40ގެ އަހަރުތަކުގައި އުޅޭ އެ މީހާ ރޭސް ނިންމާލިތަނާ ވަނީ ވެއްޓިފަ އެވެ. އޭނާއަށް ޓްރީ ޓޮޕް ހޮސްޕިޓަލުގައި ފަރުވާދެމުން އަންނަ އިރު ހާލު ސީރިއަސް އެވެ. 

ދިރާގުން 2007 ވަނަ އަހަރުން ފެށިގެން ކޮންމެ އަހަރަކު ބާއްވަމުން އަންނަ ބޮޑު ރޭހުގައި މި އަހަރު 4،400 ދުވުންތެރިއަކު ބައިވެރިވި އެވެ.

ވަނަވަނައަށް އަންނަ މީހުންނަށް ފައިސާގެ އިނާމު ދޭ ގޮތަށް ބާއްވާ މި ރޭސް މިއަދު ފަތިހު 4 އިން ފެށިގެން އެކި ދަންފަޅިތަކަށް ބަހާލައިގެން އިރުއޮއްސި 6އާ ހަމަޔަށް ކުރިއަށްގެންދިޔަ އެވެ.