ޔާމީންއާ ދެކޮޅު އާ ހެކިތަކާ ގުޅޭ މައްސަލަ ސުޕްރީމް ކޯޓުން ބަލައިގެންފި

ވ. އާރަށް ކުއްޔަށް ދިނުމުގެ މުއާމަލާތާ ގުޅިގެން ކުރީގެ ރައީސް އަބްދުﷲ ޔާމީންގެ މައްޗަށް އިއްވި 11 އަހަރުގެ ޖަލު ހުކުމް ބާތިލުކޮށް އެ މައްސަލަ އަލުން ބަލަން އެންގިއިރު، ޔާމީންއާ ދެކޮޅަށް އާ ހެކި ބަލައިނުގަންނަން ހައި ކޯޓުން އަންގާފައިވާ އެންގުން ބަދަލުކުރަން ހުށަހެޅި މައްސަލަ ސުޕްރީމް ކޯޓުން ބަލައިގެންފި އެވެ.

ވީ ކިހިނެއް؟ - އާރަށް މައްސަލާގައި ޔާމީންއަށް އިއްވި 11 އަހަރުގެ ހުކުމް ބާތިލުކޮށް އެ މައްސަލަ އަލުން ބަލަން ކްރިމިނަލް ކޯޓަށް ހައި ކޯޓުން އެންގީ މިދިޔަ 18 އެޕްރީލްގަ އެވެ.

ދަށު ކޯޓުން މި މައްސަލަ އަލުން ބަލާއިރު ރިއާޔަތްކުރަން ޖެހޭ ކަންތައްތަކެއް ހައި ކޯޓުގެ ހުކުމުގައި ކަނޑައަޅާފައިވެ އެެވެ. އޭގެތެރެއިން އެއް ކަމަކީ:

ތަފްސީލް - މި މައްސަލަ އަލުން ދަށު ކޯޓުން ބަލާއިރު، ޔާމީންއާ ދެކޮޅަށް ދައުލަތުން ހުށަހަޅާ އާ ހެކިތައް އެއްފަރާތްކުރުމަށް ހައި ކޯޓުން އަންގާފައިވާ އެންގުމުގެ ބައި ބާތިލުކޮށްދިނުމަށް އެދި ޕްރޮސެކިއުޓާ ޖެނަރަލް (ޕީޖީ) އޮފީހުން ސުޕްރީމް ކޯޓަށް ހުށަހެޅީ މިދިޔަ މަހުގެ 24ގަ އެވެ. 

ސުޕްރީމް ކޯޓަށް ހުށަހަޅާ މައްސަލަތަކުގެ ރަޖިސްޓްރީން ދައްކާ ގޮތުގައި މިހާރު އެ މައްސަލަ ވަނީ ބަލައިގެންފަ އެވެ. 

މި މައްސަލަ ސުޕްރީމް ކޯޓުން ބަލައިގެންފައި މިވަނީ ޔާމީންގެ މައްޗަށް އިއްވި 11 އަހަރުގެ ހުކުމް ބާތިލުކޮށް، އެ މައްސަލަ އަލުން ބަލަން ހައި ކޯޓުން އެންގި އެންގުމާ އެއްގޮތަށް، އެ މައްސަލައިގެ ޝަރީއަތް މާދަމާ ފަށަން ކްރިމިނަލް ކޯޓުން ނިންމާފައި ވަނިކޮށެވެ.

ފަސް މަންޒަރު - ހައި ކޯޓުން އެއްފަރާތްކުރަން އަންގާފައިވާ އާ ހެކިތަކަކީ ޔާމީންގެ އެކައުންޓަށް ޖަމާވެފައިވާ ފައިސާ އަކީ ޑޮލަރު މާރު ކުރުމުގެ މުއާމަލާތެއްކަން ސާބިތުކުރުމަށް ޔާމީންގެ ފަރާތުން ހުށަހެޅި ހެކިތައް ނަފީކުރަން ދައުލަތުން ހުށަހެޅި ހެކިތަކެކެވެ.

އެ ހެކިތައް ދަށު ކޯޓުގެ ފަނޑިޔާރު ބަލައިގެންފައި ވަނީ ގޯސްކޮށް ކަމަށް ނިންމައި އެ ހެކިތައް އެއްފަރާތްކުރަން ހައި ކޯޓުން އެންގި އެންގުން ބަދަލުކުރަން ސުޕްރީމް ކޯޓަށް ޕީޖީ އޮފީހުން ހުށަހެޅި މައްސަލާގައި ބުނެފައިވަނީ، އެ ހެކިތައް އެއްފަރާތްކުރުމަށް ހައި ކޯޓުން އެންގި އެންގުން، ސުޕްރީމް ކޯޓުން ކުރިން ނިންމާފައިވާ ނިންމުންތަކާ އަރާރުންވާ ކަމަށެވެ.

އެ ހެކިތައް ބަލައިގަތުމަށް ދަށު ކޯޓުން ނިންމި އިޖުރާއަތަކީ މައްސަލަ އަލުން ބަލައި ގޮތެއް ކަނޑައަޅާއިރު އިސްލާހު ކުރެވިދާނެ އިޖުރާއަތެއް ކަމަށް ޕީޖީން ބުންޏެވެ.

ޕީޖީން ސުޕްރީމް ކޯޓުގައި އެދިފައިވަނީ:

އެނގުން މުހިންމު - ޔާމީންގެ މައްޗަށް ކްރިމިނަލް ކޯޓުން ސާބިތުވެފައިވާ ރިޝްވަތާއި މަނީ ލޯންޑަރިންގެ ހުކުމް ހައި ކޯޓުން ބާތިލުކުރީ، ހެކިތައް ޖުމްލަކޮށް ވަޒަންކުރުމުގައި ދަށު ކޯޓުން ގޯސްތަކެއް ހަދާފައިވާ ކަމަށް ގަބޫލުކުރެވޭތީ އެވެ.

ޔާމީންއާ ދެކޮޅަށް ދައުލަތުން ހުށަހަޅާ އާ ހެކިތައް އެއް ފަރާތްކުރުމުގެ އިތުރުން މި މައްސަލަ އަލުން ބަލާއިރު ރިއާޔަތްކުރަން ޖެހޭނެ ކަންތައްތަކުގެ ގޮތުގައި ކްރިމިނަލް ކޯޓުގެ މައްޗަށް ހައި ކޯޓުން އަމުރުކުރީ:

ހައި ކޯޓުގެ ހުކުމުގައި ބުނެފައިވަނީ، ޝަރީއަތުގެ މަޖިލީހުގައި އިޖުރާއީ އައިބެއް އޮތްކަން ސާފުވާ ކަމަށާއި އޭގެ ސަބަބުން ހެކި ވަޒަންކޮށްފައިވާ ގޮތަށް ބަދަލުއައުމުގެ ފުރުސަތު އެބައޮތް ކަމަށެވެ.