ބިދޭސީ މީހާ އިމިގްރޭޝަނަށް ހާޒިރުވުމަށް އަންގައި ނޯޓިސް ނެރެފައި
ބުޅާ މަހުން ކާއެއްޗެހި ހަދާ ކަމަށް ބުނާ މީހާގެ މައްސަލަ ޕޮލިހަށް
މާލޭގެ އެކި ތަންތަނުގައި އުޅޭ ބުޅާ ހިފައިގެން ގެއަށް ގެންގޮސް، އޭގެ މަސް ބޭނުންކޮށްގެން ކާއެއްޗެހި ހަދައިގެން ވިއްކާ ކަމަށް ބުނާ މީހާގެ މައްސަލަ ފުލުހަށް މިއަދު ހުށަހަޅައިފި އެވެ.
ވީ ކިހިނެއް؟ - ރާއްޖޭގައި ގަވައިދާ ހިލާފަށް އުޅޭ، އަރަފާތު ހުސެން ނަމަކަށް ކިޔާ މި މީހާ، އިމިގްރޭޝަނަށް ހާޒިރުވުމަށް އަންގައި އެ ތަނުން މިއަދު ވަނީ ނޯޓިސް ވެސް ނެރެފަ އެވެ.
އުމުރުން 32 އަހަރުގެ މި މީހާގެ ވާހަކަ ސޯޝަލް މީޑިއާގައި ދެކެވޭތާ ދުވަސްކޮޅެއް ވެއްޖެ އެވެ. މާލޭގައި ގިނައިން ބުޅާ އުޅޭ، މޭރީ ބްރައުން ރެސްޓޯރަންޓްގެ ފަހަތުގައި އޮންނަ ޕާކިން ސަރަހައްދުގައި އޭނާ ބުޅާ ހިފަން އުޅޭ ތަން ބައެއް މީހުން ވީޑިއޯކޮށް، ސޯޝަލް މީޑިއާގައި އާއްމުކޮށްފައިވެ އެވެ.
ތަފްސީލް - އެނިމަލް ވެލްފެއާ މިނިސްޓްރީން މިރޭ ސޯޝަލް މީޑިއާގައި ބުނީ، މަގުމަތީގައި އުޅޭ ބުޅާ ހިފާ މީހެއްގެ ގޮތުގައި ތުހުމަތު ކުރެވޭ މި މީހާގެ ވާހަކަ މިއަދު ހެނދުނު އަމިއްލަ ފަރާތަކުން މިނިސްޓްރީއާ ހިއްސާކޮށްފައިވާ ކަމަށެވެ. އެއާ އެކު، އެ މައްސަލަ ފުލުހަށް ހުށަހަޅާފައިވާ ކަމަށް އެ ތަނުން ބުންޏެވެ.
ސޯޝަލް މީޑިއާގައި ބައެއް މީހުން ތުހުމަތު ކުރާ ގޮތުގައި، މި މީހާ އަކީ ބުޅާ މަސް ބޭނުންކޮށްގެން ކާތަކެތި ތައްޔާރުކޮށް، އެ ވިއްކާ މީހެކެވެ. އެއީ އޭނާ ދިރިއުޅޭ ގެ ކައިރިން ބުޅަލުގެ ގުނަވަންތައް ފެނުމާއި ބުޅާ ރޯ އަޑު އެ ގެ ކައިރިން ވަރަށް ގިނައިން އިވޭތީ އެވެ. ބާގާ ފަދަ ކާތަކެތި އޭނާ ހަދަނީ އޭނާ އުޅޭ ގޭގަ އެވެ.
އެ މީހާ އުޅޭ ގެ އާއި ކައްކަން ބޭނުންކުރާ ސާމާނުތައް ވެސް ސޯޝަލް މީޑިއާގައި ދަނީ ދައުރުވަމުންނެވެ.
ކޮމެންޓް (1)
އަހުމަދު ބޭ