ކެއްސާތީ ދޭ ސިރަޕެއް ވަގުތީ ގޮތުން މަނާކޮށްފި

ރާއްޖެ އެތެރެކޮށް ބޭނުންކުރަމުގެންދާ ކެއްސާތީ ބޯ ބޭހެއް ކަމަށްވާ 'ކޮފްސީ ސިރަޕް' އިން މައްސަލަތަކެއް ފާހަގަވެގެން އެ ބޭސް ރާއްޖޭގައި ބޭނުންކުރުމާއި އެތެރެކުރުން ވަގުތީ ގޮތުން މިއަދު މަނާކޮށްފި އެވެ.

ވީ ކިހިނެއް؟ - މި ބޭހާ ގުޅިގެން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން މިއަދު ނެރުނު ބަޔާނެއްގައި ބުނީ، އެ ސިރަޕުގައި ކުނޑިިކޮޅުތަކެއް ހުންނަކަން ފާހަގަކުރެވިފައިވާ ކަމަށެވެ. 

ތަފްސީލް - އެމްއެފްޑީއޭ އިން ބުނީ:

މި ބޭހަކީ އިންޑިއާގެ ޗެންނާއީއަށް ނިސްބަތްވާ، 'އެމްއެމްސީ ހެލްތު ކެއާ' ނަމަކަށް ކިޔާ ކުންފުންޏަކުން އުފައްދާ ބޭހެކެވެ.

ފާހަގަކޮށްލެވޭ ކަމެއް - ރާއްޖެއަށް އެތެރެކުރާ ކެއްސާތީ ބޯ ބޭހުގެ ބާވަތްތަކަކީ އެމްއެފްޑީއޭ އިން ކުރަމުންދާ ތަހުލީލުތަކުގައި އާންމުކޮށް ވެސް މައްސަލަތައް ފާހަގަވާ ބޭސްތަކެކެވެ. މީގެ ކުރިން ވެސް ކެއްސާތީ ބޯ ބޭހުގެ ބައެއް ބްރޭންޑުތަކުގެ ބޭސްތަކުން މައްސަލަތައް ދިމާވެ ބައެއް ބޭސްތައް ރާއްޖެ އެތެރެކުރުން މަނާކޮށްފައި ވެސް ވެއެވެ.