އާސަންދަ އޮފީސް. (ދައުރު ފޮޓޮ/ އަބްދުﷲ އަނޫފް ޖުނައިދް)
އާސަންދައިން ދެވަނަ ކުއާޓަރުގައި ކުރި ހަރަދު %11 އިތުރުވެ، 823 މިލިއަނަށް
މި އަހަރުގެ ދެ ވަނަ ކުއާޓަރުގައި އާސަންދަ އިން ކުރި ހަރަދުތައް މިދިޔަ އަހަރުގެ އެ މުއްދަތާ އަޅާބަލާއިރު އިތުރުވެއްޖެ އެވެ.
ވީ ކިހިނެއް؟ - އެ ކުންފުނިން މިއަދު އާންމުކުރި ތަފާސްހިސާބުތައް ދައްކާ ގޮތުން:
-
މި އަހަރުގެ ދެ ވަނަ ކުއާޓަރުގައި އާސަންދަ އިން 823 މިލިއަން ރުފިޔާ ހޭދަކޮށްފައިވޭ
-
މިދިޔަ އަހަރުގެ އެ މުއްދަތުގައި ހޭދަކުރީ 738 މިލިއަން ރުފިޔާ
-
މިއީ %11.5ގެ އިތުރުވުން
ތަފްސީލް - އާސަންދަ އިން އާންމުކުރި ތަފާސްހިސާބުތަކަށް ބަލާއިރު މިދިޔަ ކުއާޓަރުގައި ޖުމްލަ 265،059 މީހުން އާސަންދަ އިން ހިދުމަތް ހޯދި އެވެ.
އޭގެ ތެރެއިން:
-
2،807 މީހުން ވަނީ ރާއްޖޭން ބޭރުން އާސަންދަ އިން ފަރުވާ ހޯދާފައި
-
އެ މުއްދަތުގައި 1،232 މީހުން އާސަންދައިގެ އެހީގައި ސިއްހީ ކުއްލި ހާލަތްތަކުގައި އިވެކުއޭޓުކޮށްފައިވޭ
އާސަންދަ އިން ބުނީ މި އަހަރުގެ ދެ ވަނަ ކުއާޓަރުގައި އާސަންދަ ހިދުމަތް ހޯދި މީހުންގެ އަދަދު ވެސް މިދިޔަ އަހަރުގެ އެ މުއްދަތާ އަޅާބަލާއިރު އިތުރުވެފައިވާ ކަމަށެވެ.
މިދިޔަ އަހަރުގެ ދެ ވަނަ ކުއާޓަރުގައި އާސަންދަ އިން 738 މިލިއަން ރުފިޔާ ހޭދަކުރި އިރު، 260،725 މީހުން އާސަންދަ އިން ފަރުވާ ހޯދި އެވެ.
ގުޅުން ހުރި - މި އަހަރުގެ ފުރަތަމަ ތިން މަހުގެ ހިސާބުތަކަށް ބަލާއިރު:
-
838 މިލިއަން ރުފިޔާ އާސަންދަ އިން ހޭދަކުރި
-
276،439 މީހުން އާސަންދަ އިން ފަރުވާ ހޯދި
-
1،599 މީހުން އިމަޖެންސީ ހާލަތުގައި އެއް ރަށުން އަނެއް ރަށަށް ބަދަލު ކުރި
-
1،691 މީހުން ރާއްޖޭން ބޭރަށް ފޮނުވި