ނ. ހެނބަދޫ ޕޮލިސް ޕޯސްޓްގެ ފުލުހުންނާއި އެމީހުންގެ އާއިލާއަށް ގެއްލުންދޭނެ ކަމަށް ބުނެ އިންޒާރުދީ، ސައިކަލު ރޯކޮށްލި ކަމުގެ ތުހުމަތުގައި ހައްޔަރު ކުރި ދެ މީހުން.
ފުލުހެއްގެ ސައިކަލުގައި ރޯކޮށްލި މައްސަލައިގައި 2 މީހުން ހައްޔަރުކޮށްފި
ނ. ހެނބަދޫގައި ފުލުހެއްގެ ސައިކަލަކަށް ގެއްލުންދީ، އިތުރު ފުލުހެއްގެ ސައިކަލުގައި ރޭ ރޯކޮށްލި މައްސަލައިގައި ދެ މީހަކު ހައްޔަރުކޮށްފި އެވެ.
ވީ ކިހިނެއް؟ - ހެނބަދޫ ޕޮލިސް ޕޯސްޓުގައި މަސައްކަތްކުރާ ފުލުހުންނާއި އެ މީހުންގެ އާއިލާތަކާއި މުދަލަށް ގެއްލުންދޭނެ ކަމަށް ބުނެ އިންޒާރު ދިނުމަށް ފަހު ފުލުހެއްގެ ސައިކަލަކަށް ގެއްލުންދީ، މިދިޔަ ބުރާސްފަތި ދުވަހުގެ ރޭ އިތުރު ސައިކަލެއްގައި ވަނީ ރޯކޮށްލާފަ އެވެ.
ފުލުހުންގެ ތަރުޖަމާނު އަހުމަދު ޝިފާން އޭރު ވިދާޅުވި ގޮތުގައި، އެއީ ނ. އަތޮޅުގައި ފުލުހުން ހިންގާ މަސްތުވާތަކެތީގެ އޮޕަރޭޝަނަކާ ދެކޮޅަށް އެކަމުގައި ތުހުމަތު ކުރެވޭ ބަޔަކު ކޮށްފައިވާ ކަމެއް ކަމަށް ތުހުމަތުކުރެވެ އެވެ.
ތަފްސީލު - ޝިފާން މިއަދު 'އެކްސް'ގައި ކުރެއްވި ޕޯސްޓެއްގައި ވިދާޅުވީ އެ މައްސަލައިގެ ތަހުގީގަށް ކޯޓު އަމުރެއްގެ ދަށުން ނ. ހެނބަދުއަށް ނިސްބަތްވާ ދެ މީހަކު ވަނީ ހައްޔަރުކޮށްފަ އެވެ.
އުމުރުން 33 އަހަރުގެ އެ ދެ މީހުންނަކީ:
-
1-
އިލްޔާސް އިބްރާހިމް
-
2-
މުހައްމަދު އިރުޝާދު
ހެނބަދޫގައި ރޯކޮށްލި ސައިކަލު ވަނީ ބޭނުންނުކުރެވޭ ވަރަށް އަނދައި ހުލިވެފަ އެވެ.