ބަންގްލަދޭޝްއަށް ދާ ދިވެހިން ސަމާލުވާން އަނެއްކާވެސް އަންގައިފި

ބަންގްލަދޭޝްގައި މިހާރު ކުރިއަށްދާ އެއްވުންތަކާ ގުޅިގެން، އެ ގައުމަށް ދަތުރުކުރާ ދިވެހޮންނާއި އެ ގައުމުގައި ދިރިއުޅޭ ދިވެހިން މިދުވަސްވަރު އިތުރަށް ސަމާލުވުމަށް ރާއްޖޭގެ ފޮރިން މިނިސްޓްރީން މިއަދު އިލްތިމާސްކޮށްފި އެވެ.

ވީ ކިހިނެއް؟ - ބަންގްލަދޭޝްގައި މިފަހުން ސިލްސިލާ މުޒާހަރާތަކެއް ކުރަން ފެށީ، ބަންގްލަދޭޝް 1971 ވަނަ އަހަރު ޕާކިސްތާނުގެ ކިބައިން މިނިވަން ކުރުމަށް ހަނގުރާމަ ކުރި ބަތަލުންގެ ގާތްތިމާގެ މީހުންނަށް ސަރުކާރުގެ ބައެއް ވަޒީފާތައް ހާއްސަ ކުރުމުގެ ނިޒާމާ ދެކޮޅު ހެދުމުގެ ގޮތުންނެވެ. އެ މުޒާހަރާތައް ހޫނުވެ، 25އަށް ވުރެ ގިނަ މީހުން މަރުވެ، 100އަށް ވުރެ ގިނަ މީހުން ވަނީ ޒަހަމްވެފަ އެވެ. 

އެ ހަމަނުޖެހުންތަކާ ގުޅިގެން ފޮރިން މިނިސްޓްރީން މީގެ ކުރިން ވެސް ވަނީ އެ ގައުމުގައި ދިރިއުޅޭ ދިވެހިން ސަމާލުވާން އިލްތިމާސްކޮށްފަ އެވެ.

ތަފްސީލް - މިއަދު އަނެއްކާވެސް އެކަމަށް އިލްތިމާސްކޮށް ނެރުނު ބަޔާނުގައި ބުނީ، މިވަގުތު ބަންގްލަދޭޝްގައި ބައެއް ވަގުތުތަކުގައި ކާފިއު އިއުލާން ކޮށްފައިވާ ކަމަށެވެ. އެހެންކަމުން، ބަންގްލަދޭޝް ސަރުކާރުން އިރުޝާދު ދީފައިވާ ގޮތަށް ބޭރަށް ނުކުމެ ނޫޅުމަށާއި ސަރުކާރާއި އެ ގައުމުގައި ހުންނަ ރާއްޖޭގެ ހައި ކޮމިޝަންގެ އިރުޝާދާ އެއްގޮތަށް އަމަލުކުރުމަށް އިލްތިމާސް ކުރާ ކަމަށް ފޮރިން މިނިސްޓްރީން ބުންޏެވެ.

ބަޔާނުގައި އިތުރަށް ބުނީ:

އެނގުން މުހިންމު - ބަންގްލަދޭޝްގައި ހިނގަމުންދާ ހަމަނުޖެހުންތަކާ ގުޅިގެން އެއްވެސް އެހީތެރިކަމެއް ބޭނުންވާ ނަމަ، އެ ގައުމުގައި ހުންނަ ރާއްޖޭގެ ހައި ކޮމިޝަނާ ގުޅުމަށް ފޮރިން މިނިސްޓްރީން އެދެ އެވެ. އެގޮތުން: