އެލެގްރާގެ ތިން ބެޗެއްގައި ކޮލިޓީ މައްސަލައެއްގައި ވިއްކުން މަނާކޮށްފައި
ކުޑަކުދިން ކެއްސާތީ ދޭ ސިރަޕެއް ވިއްކުން މަނާކޮށްފި
ކުޑަކުދިން ކެއްސާތީ ދޭ 'އެލެގްރާ'ގެ ތިން ބެޗެއްގެ ފެންވަރާ މެދު މައްސަލައެއް ފާހަގަކުރެވިގެން އެ ތަކެތި ރާއްޖޭގައި ވިއްކުން މިއަދު މަނާކޮށްފި އެވެ.
ވީ ކިހިނެއް؟ - މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ނެރުނު ބަޔާނެއްގައި ބުނީ އެލެގްރާގެ ތިން ބެޗަކުން ކޮލިޓީ މައްސަލަތަކެއް ދިމާވެ، އެ ބޭސް އުފައްދާފައިވާ ކުންފުނިން އެލާޓްކޮށްފައިވާ ކަމަށެވެ.
އެނގުން މުހިންމު - މަނާކޮށްފައިވަނީ ސިރަޕްގެ 30 މިލިގްރާމް ނުވަތަ 5 އެމްއެލްގެ ވައްތަރެވެ. އެ ބޭހަކީ ކުޑަކުދިންގެ ކެއްސުމަށް ދޭ ބޭހެކެވެ.
ތަފްސީލް - އެ ބަޔާނުގައި ބުނީ:
-
އެ ތިން ބެޗުގެ ބޭސް ރާއްޖެ އެތެރެކުރުމާއި ވިއްކުން އަދި ބޭނުންކުރުން މަނާ ކަމަށް
-
އެ ބޭހުގެ އެ ބެޗުތައް ފާމަސީ، ބޭސް ގުދަނެއް ނުވަތަ ސިއްހީ ހިދުމަތް ދޭ ތަނެއްގައި ހުރި ނަމަ އެމްއެފްޑީއޭއަށް އީމެއިލް މެދުވެރިކޮށް އަންގަން
ފާހަގަކޮށްލެވޭ ކަމެއް - އެމްއެފްޑީއޭ އިން ކުރަމުން އަންނަ ތަހުލީލުތަކަކަށް، އާންމުކޮށް ބޭނުންކުރާ ބޭހެއް ކަމަށްވާ ޕެނެޑޯލް އެތެރެކުރުމާއި ވިއްކުމާއި ބޭނުންކުރުން މިދިޔަ ޖެނުއަރީ މަހު ވަގުތީ ގޮތުން މަނާ ކުރި އެވެ. އަދި ކުޑަކުދިންނަށް ދިނުމަށް ބޭނުންކުރާ ކެއްސާތީ ބޯ ބޭސްތަކަކުން ވެސް ވިހަ މާއްދާތަކެއް އަޅާފައިވާ ބޭސްތަކެއް ރާއްޖޭގައި ފެނިވާތީ ތަހުލީލް ކުރަން އޭރު ފަށާފަ އެވެ.