ފިންލޭންޑް އިންޓަނޭޝަނަލް ސްކޫލު: އެ ސްކޫލުން ވައްކަން ކުރި ދެ މީހުންގެ ތެރެއިން އެކަކު ވަނީ ހައްޔަރުކޮށްފައި.
ފިންލޭންޑް ސްކޫލުން ވައްކަންކުރި މީހަކު ހައްޔަރުކޮށްފި
މާލޭގައި ހުންނަ ފިންލޭންޑް އިންޓަނޭޝަނަލް ސްކޫލުން ވައްކަން ކުރި މީހަކު ހައްޔަރުކޮށްފި އެވެ.
ވީ ކިހިނެއް؟ - ފުލުހުން މިއަދު ބުނީ މިދިޔަ އާދިއްތަ ދުވަހުގެ ހެނދުނު އެ ސްކޫލަށް ދެ މީހަކު ވަދެ ވައްކަން ކުރަން އުޅުމުން އެވަގުތު އެތަނުގައި ޑިއުޓީއަށް ހުރި ފުލުސް މީހާ އެ މީހުން ހުއްޓުވަން މަސައްކަތް ކުރުމުން އެ ފުލުހަށް އަނިޔާ ކުރުމަށް ފަހު ފިލައިގެން ގޮސްފައިވާ ކަމަށެވެ.
ތަފްސީލް - އެ މައްސަލައާ ގުޅިގެން އެމީހުން ހޯދަން ކުރި މަސައްކަތުންް އެތަނުން އެކަކު ކޯޓު އަމުރެއްގެ ދަށުން ހޯމަ ދުވަހުގެ ދަންވަރު ހައްޔަރުކުރި ކަމަށް ފުލުހުން ބުންޏެވެ.
ފުލުހުން ބުނީ:
-
އޭނާގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން 15 ދުވަހަށް ބަންދު ކުރުމަށް އަމުރުކޮށްފައިވޭ
-
ހައްޔަރު ކުރީ 42 އަހަރުގެ ދިވެހި ފިރިހެނެއް
-
ފިންލެންޑް އިންޓަނޭޝަނަލް ސްކޫލުން އެމީހުން ވަގަށް ނެގި ތިން ލެޕްޓޮޕްގެ ތެރެއިން ދެ ލެޕްޓޮޕު ހޯދާފައިވޭ
ފުލުހުން ބުނީ އެ މައްސަލަ ތަހުގީގު ކުރަމުންދާ ކަމަށެވެ.