ގައުމީ ކުތުބުހާނާއިން އަބްދުލްއަޒީޒު އަބްދުލްހަކީމްއާ އެކު ބޭއްވި ބައްދަލުވުން. (ފޮޓޯ/ގައުމީ ކުތުބުހާނާ)
ދިވެހިންގެ މެދުގައި ސްޓޭމްޕް އެއްކުރުމުގެ އާދަ އާލާކުރަން މަޝްވަރާކޮށްފި
ދިވެހިންގެ މެދުގައި ފަލޭޓަލީ ނުވަތަ ޕޯސްޓް ކުރުމުގައި ބޭނުންކުރާ ސްޓޭމްޕު އެއްކުރުމާއި ދަސްކުރުން ފުޅާކުރުމާ ބެހޭ ގޮތުން ގައުމީ ކުތުބުހާނާއިން އެކަމުގެ ތަޖުރިބާކާރު އަބްދުލްއަޒީޒް އަބްދުލްހަކީމްއާ މިއަދު ބައްދަލުކޮށްފި އެވެ.
ތަފްސީލު - ކުތުބުހާނާގެ ބައެއް މުވައްޒަފުން ބައިވެރިވި އެ ބައްދަލުވުމުގައި، މިހާރު އޮތް ޒަމާނީ މުޖުތަމައުގައި އަދި ވަކިން ހާއްސަކޮށް ޒުވާނުންގެ މެދުގައި ސްޓޭމްޕް އިޝްތިހާރު ކުރާނެ ގޮތާ ބެހޭ ގޮތުން ވަނީ މަޝްވަރާކޮށްފަ އެވެ.
Today, we were honored to host Author Abdul Azeez Abdul Hakeem to conduct a working meeting regarding reviving the art of Philately and on how to promote it in modern society, especially amongst youth. pic.twitter.com/liUNHGzw0E
— National Library of Maldives - NLM (@librarymv) July 28, 2024
މީގެ އިތުރުން، އަބްދުުލްއަޒީޒު އަބްދުލްހަކީމް ލިޔުއްވި 'ދިވެހި އެސްޓޭންޕު' ފޮތުގެ ދެ ކޮޕީ، ތަކެތި ޖަމާކުރުމުގެ ގާނޫނުގެ ދަށުން ގައުމީ ކުތުބުހާނާއަށް ވަނީ ޖަމާކޮށްފަ އެވެ.
މުސައްނިފެއްގެ އިތުރުން އަބްދުލްއަޒީޒަކީ ދަނޑުވެރިކަމާއި ފަތުރުވެރިކަމުގެ ސިނާއަތަށް ވެސް ގިނަ ހިދުމަތްތަކެއް ކޮށްދެއްވައި ތިމާވެށި ހިމާޔަތްކުރުމަށާއި މެރިން ބަޔޮލޮޖިސްޓެއްގެ ގޮތުގައި ވެސް މަސައްކަތް ކުރައްވާ ބޭފުޅެކެވެ.