ރުހުން ނުލިބުނު ތިން ވަޒީރުންނަށް ރުހުން ދޭން ކޮމިޓީން ފާސްކޮށްފި

ނިމިދިޔަ 19 ވަނަ މަޖިލީހުގައި ރުހުން ނުދޭން ނިންމި ކެބިނެޓުގެ ތިން ވަޒީރަކަށް ރުހުން ދޭން މަޖިލީހުގެ ގުޅުން ހުރި ކޮމިޓީން ރޭ ފާސްކޮށްފި އެވެ.

ފަސް މަންޒަރު  -  ރައީސް މުއިއްޒުގެ ފުރަތަމަ ވަޒީރުންގެ މަޖިލީހަށް 22 ވަޒީރަކު އައްޔަންކޮށް، އެ ވަޒީރުންނަށް ރުހުން ހޯދަން މަޖިލީހަށް ފޮނުވުމުން، އޭރު އޮތް 19 ވަނަ މަޖިލީހުގެ ސާފު އަގުލަބިއްޔަތެއް އޮތް އެމްޑީޕީން ނިންމީ ހަތަރު ވަޒީރަކަށް ރުހުން ނުދޭން ތްރީލައިން ވިޕެއް ނެރުމަށެވެ. ނަމަވެސް، އެންމެ ފަހުން ތަޅުމުން 19 ވަޒީރަކަށް ރުހުން ލިބި، ތިން ވަޒީރަކަށް ރުހުން ލިބިފައެއް ނުވެ އެވެ. އެއީ:

ވީ ކިހިނެއް؟ - އެ ތިން ވަޒީރުންނަށް ރުހުން ނުލިބުމުން، ރައީސް ވަނީ އެބޭފުޅުން އަލުން އެ މަގާމަށް އައްޔަންކޮށް، ދެވަނަ ފަހަރަށް އަނެއްކާ ވެސް ރުހުން ހޯދުމަށް މަޖިލީހަށް ފޮނުވާފަ އެވެ. ނަމަވެސް:

ތަފްސީލު - ރޭ ބޭއްވި އެ ކޮމިޓީގެ ބައްދަލުވުމުގައި ފުވައްމުލަކު މެދު ދާއިރާގެ މެންބަރު ވިދާޅުވީ، އެ ކޮމިޓީން މީގެ ކުރިން އެއްކޮށްފައިވާ މައުލޫމާތުތަކުން އެ ތިން ވަޒީރުން ވެސް ވަޒީރު ކަމުގެ ޝަރުތު ފުރިހަމަވާކަން ވެސް އެނގޭ ކަމަށެވެ. އެހެން ކަމުން އޭނާ ހުށަހެޅުއްވީ، ތިން ވަޒީރުންނަށް ވެސް ރުހުން ދޭން ފެންނަ ކަމަށް ނިންމައި، ތަޅުމަށް ފޮނުވުމަށެވެ.

އެ ހުށަހެޅުމަށް ތާއީދު ކުރެއްވީ، ދިއްދޫ ދާއިރާގެ މެންބަރު އަބްދުއްލަތީފް މުހައްމަދެވެ.

އެގޮތަށް ފާސްވީ، ބައްދަލުވުމަށް ހާޒިރުވެ ތިއްބެވި ނުވަ މެންބަރުންގެ ތެރެއިން ހަތް މެންބަރުންގެ ވޯޓާއެކު އެވެ. ދެކޮޅަށް ވޯޓު ދެއްވީ އެކެކެވެ.