ރާއްޖޭގެ ކަނޑުގައި މިޔަރު: ރާއްޖޭގައި މިޔަރުގެ ހަމަލާތައް ގިނަވަމުން ދާ ކަމަށް ބެލެވޭ
މިޔަރުގެ އާބާދީ އިތުރުވާ ކަމަކަށް ދިރާސާތަކުން ނުދައްކާ: މެރިން ރިސާޗް އިންސްޓިޓިއުޓް
މިހާތަނަށް ކޮށްފައިވާ ދިރާސާތަކުން ރާއްޖޭގެ މިޔަރުގެ އާބާދީ އިތުރުވަމުން އަންނަ ކަމަށް ނުދައްކާ ކަމަށް މޯލްޑިވްސް މެރިން ރިސާޗް އިންސްޓިޓިއުޓްގެ ޑިރެކްޓަ ޖެނެރަލް ޝާފިއާ ނައީމް އިއްޔެ ވިދާޅުވެއްޖެ އެވެ.
ވީ ކިހިނެއް؟ - ރާއްޖޭގައި މިޔަރުގެ ހަމަލާތައް ގިނަވަމުންދާކަމަށް ބުނެ ދެކެވޭ ވާހަކައާ ގުޅޭ ގޮތުން 'ދައުރު'އަށް ދެއްވި އިންޓަވިއުއެއްގައި ޝާފިއާ ވިދާޅުވީ މިޔަރުގެ އާބާދީ އިތުރުވަމުން ދޭތޯ ބަލަން ދުނިޔޭގެ އެހެން ގައުމުތަކުގައި ވެސް ހަދާ ފަދަ ދިރާސާތައް ރާއްޖޭގައި ހެދިއިރު މިޔަރުގެ އާބާދީ އިތުރުވާ ކަމަށް ނުދައްކާ ކަމަށެވެ.
ތަފްސީލް - ޝާފިއާ ވިދާޅުވި ގޮތުގައި ޑައިވަރުން މޫދަށް ފައިބައިގެން ހަދާ ރިސާޗުތަކާއި ޑައިވަރުން މޫދަށް ނުފައިބާ ކެމެރާ ބޭނުންކޮށްގެން ހަދާ ދިރާސާތަކެއް ވެސް ކުރިއަށް ގެންދިޔަ އެވެ.
"ނެޗުރަލީ އޭގެ އާބާދީ އިތުުރުވާނެ ކޮންމެވެސް ވަރަކަށް، މިޔަރުގެ އާބާދީ ގިނަ ނުވިޔަސް އެއް ތަނަކަށް އަބަދު އޭގެ ކާނާ އަޅަންޏާ އެތަނަކަށް މިޔަރު ޖަމާވާލެއް ގިނަ ވާނެ. އެހެންވީމާ ވިޝުއަލީ ފެންނަ މިންވަރު އިތުުރުވެދާނެ،" ޝާފިއާ ވިދާޅުވި އެވެ.
މިޔަރު ހިމާޔަތްކޮށް އޭގެ މަސްވެރިކަން ކުރުން ރާއްޖޭގައި މަނާކުރީ މީގެ 10 އަހަރު ކުރިންނެވެ. ނަމަވެސް މިިދޔަ 10 އަހަރު މިޔަރުގެ އާބާދީ ބޮޑުތަނުން އިތުރުވެފައި ހުރި ކަމަކަށް ދިރާސާތަކުން ނުދައްކާ ކަމަށް ޝާފިއާ ވިދާޅުވި އެވެ.
"މިޔަރަކީ ވަރަށް ގިނަ ދުވަހުން ބޮޑުވެ ވަރަށް ގިނަ ދުވަސް ފަހުން ވިހާ އެއްޗެއް،" އޭނާ ވިދާޅުވި އެވެ.
މިޔަރުގެ ހަމަލާއެއްގައި މިދިޔަ އާދިއްތަ ދުވަހުގެ ރޭ ޒުވާން ސިފައިންގެ މީހަކު ވަނީ މަރުވެފަ އެވެ. އޭނާއަށް ހަމަލާދިނީ ސިފައިންގެ ތަމްރީންތަކެއްގައި މޫދަށް އެރި އުޅެނިކޮށެވެ.
ރާއްޖޭގައި މިޔަރުގެ ހަމަލާތައް ގިނަވަނީ
Thank you for voting Poll closes on 06 Jun 2024 12:00 PM Final Results
ކޮމެންޓް (15)
ޢަކު
އާދަނު
ކެޔޮޅު
ޖުމޭއިލް
ޝާކު
ސަމޭދާ
ލޮނު އާދަނު
މަނޭސް
ގުޑު
ބުޅާ
ބަރަބޯ
މިޔަރޭ
ދޮންކަލ
ޢަލީ
އަލިބެ...