އެއާ އެމްބިއުލާންސް ހިދުމަތަށް ރާއްޖޭގައި ބޭނުންކުރާނެ މަތިންދާބޯޓު
24 ގަޑިއިރު އޮޕަރޭޓްކުރާ އެއާ އެމްބިއުލާންސްގެ ހިދުމަތް ފަށައިފި
ސިއްހީ އިމަޖެންސީ ހާލަތްތަކުގައި ބަލިމީހުން އުފުލުމަށް ހާއްސަކޮށް ތައްޔާރުކޮށްފައިވާ އެއާ އެމްބިއުލާންސްގެ ހިދުމަތް ދޭން މިއަދު ފަށައިފި އެވެ.
ތަފްސީލް - ހެލްތު މިނިސްޓްރީން އެކަމާ ގުޅޭގޮތުން ނެރުނު ނޫސް ބަޔާނެއްގައި ބުނީ އެ ހިދުމަތަށް ބޭނުންކުރާ 'ޑީއެޗްސީ - 8 - 200' މަތިންދާބޯޓުން ރާއްޖޭގެ ހުރިހާ ސަރަހައްދަކަށް 24 ގަޑިއިރު ހިދުމަތް ދޭނެ ކަމަށެވެ.
އެ މިނިސްޓްރީން އިތުރަށް ބުނިގޮތުގައި:
-
އެ ބޯޓުގައި އެންމެ ކައިިރި ހޮސްޕިޓަލަކަށް ބަލިމީހާ އުފުލާއިރު، އަވަސް ސިއްހީ ފަރުވާ ދޭ ވަސީލަތްތަކާ އެކު، ތަމްރީން ކޮށްފައިވާ 15 ސިއްހީ ހިދުމަތްތެރިއަކު ހަރަކާތްތެރިވާނެ
-
އޭގެ ތެރޭގައި ޑޮކްޓަރުންނާއި ނަރުހުން އަދި އިމަޖެންސީ މެޑިކަލް ޓެކްނީޝަނުން ހިމެނޭ
-
މިހާރު މާލެ ސަރަހައްދުގައި ގާއިމުކޮށްފައިވާ މޯލްޑިވްސް އިމަޖެންސީ މެޑިކަލް ސާވިސްގެ ނިޒާމުގެ ތެރެއަށް އެއާ އެމްބިއުލާންސްގެ ހިދުމަތް އިތުރުކުރާނެ
-
އެއާ އެމްބިއުލާންސްގެ ހިދުމަތް ދޭނީ ހެލްތު މިނިސްޓްރީ އާއި އައިލެންޑް އޭވިއޭޝަން އަދި އެންސްޕާ ގުޅިގެން
ހެލްތު މިނިސްޓްރީން އިތުރަށް ބުނީ، ރާއްޖޭގެ ސިއްހީ ދާއިރާ ހަރުދަނާކޮށް، އާއްމުންނަށް ލުއިފަސޭހަ ހިދުމަތްތަކެއް ދިނުމަކީ ރައީސް މުހައްމަދު މުއިއްޒުގެ ސިޔާސަތުތަކުގެ ތެރޭގައި ހިމެނޭ އެންމެ މުހިންމު އެއް ސިޔާސަތު ކަމަށެވެ. އަދި މިއަދު އެއާ އެމްބިއުލާންސްގެ ހިދުމަތް ފެށި އިރު އެންމެ ބޮޑު އަމާޒަކީ ހަރުދަނާ އަދި ދެމެހެއްޓެނިވި ގޮތެއްގައި އެ ހިދުމަތް ރާއްޖޭގައި ގާއިމުކުރުން ކަމަށް މިނިސްޓްރީން ބުންޏެވެ.
ކޮމެންޓް (1)
ތެފައާސާ.