މާލެ އާއި ވިލިމާލެއާ ދެމެދު ސީ-އެމްބިއުލާންސްގެ ހިދުމަތް ފަށައިފި

އެމަޖެންސީގައި ބަލިމީހުން އުފުލުމަށް ހުރި ދަތިތައް ހައްލު ކުރުމުގެ ގޮތުން، މާލެ އާއި ވިލިމާލެއާ ދެމެދު ސީ-އެމްބިއުލާންސްގެ ހިދުމަތް ތައާރަފުކޮށްފި އެވެ.

ވީ ކިހިނެއް؟ - މި ހިދުމަތް ފަށާފައިވަނީ، އެކަމަށް ހާއްސަކޮށް މިއަދު ވިލިމާލޭގައި ބޭއްވި ރަސްމިއްޔާތެއްގަ އެވެ.

މި ރަސްމިއްޔާތުގައި، ސީ-އެމްބިއުލާންސްގެ ހިދުމަތް ފޯރުކޮށްދިނުމާއި ހަވާލުވެފައިވާ ދަރުމަވަންތަ ހޮސްޕިޓަލާއި ހެލްތު މިނިސްޓްރީއާ ދެމެދު އެއްބަސްވުމެއްގައި ސޮއިކޮށްފައިވެ އެވެ. އެއްބަސްވުމުގައި ސޮއި ކުރައްވާފައިވަނީ:

މީގެ އިތުރުން، ޓްރާންސްޕޯޓް މިނިސްޓަރު މުހައްމަދު އަމީން ވަނީ ދަރުމަވަންތަ ހޮސްޕިޓަލްގެ ސީއީއޯ އާ ސީ-އެމްބިއުލާންސްގެ ރަމްޒީ ތަޅުދަނޑި ވެސް ހަވާލުކޮށްދެއްވާފަ އެވެ.

ތަފްސީލް - މާލެ އާއި ވިލިމާލެއާ ދެމެދު ބަލިމީހުން އުފުލުމަށް ހާއްސަކޮށްފައިވާ ސީ-އެމްބިއުލާންސް:

ބުނީ ކީކޭ؟ - ރަސްމިއްޔާތުގައި ވާހަކަ ދައްކަވަމުން ހެލްތު މިނިސްޓަރު ހަލީލް ވިދާޅުވީ މި ހިދުމަތް ތައާރަފު ކުރެވުމުގެ ސަބަބުން، ވިލިމާލެއާ މާލެއާ ދޭތެރޭ ބަލިމީހުން މާލެއަށް ގެންދިޔުމުގައި ވަރަށް ބޮޑެތި ލުއިތަކެއް ލިބިގެންދާނެ އެވެ.

"ނަސީބު ކަންދިމާކުރި ގޮތުން، ރާއްޖޭގައި މިހާރު އެމްބިއުލާންސްތަކުގެ ގޮތުގައި ބޭނުންކުރާ ލޯންޗުފަހަރަށް ވުރެ ރަނގަޅު، ބޮޑު، ހިދުމަތްތައް ވެސް ފުޅާ ލޯންޗެއް އިރާދަކުރެއްވީތީ މިރަށަށް ލިބިގެން މި ދިޔައީ،" މިނިސްޓަރު ވިދާޅުވި އެވެ.

މިނިސްޓަރު އިތުރަށް ވިދާޅުވި ގޮތުގައި:

މިނިސްޓަރުގެ ވާހަކައިގައި ރައްޔިތުންނަށް ދިމާވާ ދަތިތަކެއް ހުރިނަމަ، އެކަން މިނިސްޓްރީއާ ހިއްސާ ކުރުމަށް ވެސް އެދިވަޑައިގެންނެވި އެވެ. އެކަމުގެ ސަބަބުން ސަރުކާރަށް ރައްޔިތުންނާ ގާތުން މަސައްކަތް ކޮށް، ރައްޔިތުންގެ ދަތިތަކަށް އަވަސް ހައްލެއް ހޯދައިދެއްވާނެ ކަމަށް ވިދާޅުވި އެވެ.

އަދި ކުރީ ސަރުކާރުތަކުގައި ވިލިމާލެއަށް އަޅާނުލެވި އޮތް އޮތުން މި ސަރުކާރުގައި ނިމުމަކަށް އަންނާނެ ކަމުގެ ޔަގީންކަން މިނިސްޓަރު ދެއްވި އެވެ.

ފާހަގަކޮށްލެވޭ - ވިލިމާލޭގެ ސިއްހީ ހިދުމަތްތައް ފުޅާ ކުރުމަށްޓަކައި އެ އަވަށުގައި 100 އެނދުގެ ހޮސްޕިޓަލެއް އެޅުމަށް ވެސް ސަރުކާރުން ވަނީ ނިންމާފަ އެވެ. އެކަމަށްޓަކައި ހަދަން ޖެހޭ ސާވޭތައް ހެދުމުގެ މަސައްކަތް ކުރިއަށްދާ ކަން ދަރުމަވަންތަ ހޮސްޕިޓަލްގެ ސީއީއޯ ހަލީމް ވަނީ މީޑިއާތަކަށް ވިދާޅުވެފަ އެވެ.