ކުމުންދޫ ނެރު ހަދަން ހިލަ ހިފައިގެން ދިޔަ ބާޖު ނެރުމައްޗަށް އުރިއްޖެ

ހދ. ކުމުންދޫ ނެރު ހެދުމަށް ހިލަ ހިފައިގެން ދިޔަ އެމްޓީސީސީގެ ބާޖު، އެ ރަށު ނެރުމައްޗަށް އިއްޔެ އުރިއްޖެ އެވެ.

ވީ ކިހިނެއް؟ - ރާއްޖެއަށް މިހާރު ކުރަމުންދާ ވިއްސާރައިގައި އިއްޔެ ހަވީރު ވަނީ އުތުރަށް ބޮޑު ކޮޅިގަނޑެއް އައިސްފަ އެވެ. ކުމުންދޫ ބޭރުގައި އޮތް އެ ބާޖު ފަރަށް އެރީ ވެސް، އާދަޔާހިލާފު އެ ބާރު ކޮޅިގަނޑުގައި އުޅަނދުގެ ވާކަނޑައިގެން ގޮސްގެން ކަމަށް ވެ އެވެ.

ތަފްސީލް - ކުމުންދޫ ކައުންސިލްގެ ރައީސް އަމީން މުހައްމަދު ވިދާޅުވީ އެ ރަށު ނެރުގެ ހުޅަނފު ފައިކަށި ކައިރިއަށް ބާޖު ލައްވެފައިވާއިރު، އަދިވެސް އުޅަނދު ފުން ނުކުރެވޭ ކަމަށެވެ.

އޭނާ ވިދާޅުވި ގޮތުގައި:

 އެނގުން މުހިއްމު - ހުޅަނގު މޫސުމުގައި ކުމުންދޫގެ ފަޅުތެރެ ވަރަށް ގަދަވެ އެވެ. ހާއްސަކޮށް އެ ރަށު ނެރުމަތިން ފަޅުތެރެއަށް ވަނުމަކީ، ގަދަ ދުވަސްވަރެއްގައި އުނދަގޫ ކަމެކެވެ. އެކަމަށް ހައްލެއް ގެނައުމަށް، އެމްޓީސީސީގައި ކުމުންދޫގައި ފަށާފައިވާ މަޝްރޫއަށް މިހާރު އަހަރެއް ވެއްޖެ އެވެ.