ނ. މަނަދޫގައި މަރާލާފައި އޮއްވައި ފެނުނު ނައީމާ.
ނައީމާ މަރާލި ކަމަށް ތުހުމަތުކުރެވޭ މީހުން ދުއްވި ކާރުގެ ވެރިޔާ ހައްޔަރުކޮށްފި
ނ. މަނަދޫގައި މިދިޔަ މަހުގެ ކުރީކޮޅު ގެއެއްގެ ތެރޭގައި އަނިޔާވެރިކޮށް މަރާލާފައި އޮއްވާ ފެނުނު ނައީމާ މޫސާގެ މަރުގެ މައްސަލައިގައި ތިން ވަނަ މީހަކު މިރޭ މާލެއިން ހައްޔަރުކޮށްފި އެވެ. 'ދައުރު'އަށް ކަށަވަރުވެފައިވާ ގޮތުގައި، އެއީ ނައީމާ މަރާލި ކަމަށް ތުހުމަތުކުރެވޭ ދެ މީހުން އެ ރޭ ދުއްވި ކާރުގެ ވެރިޔާ އެވެ.
ވީ ކިހިނެއް؟ - މި މައްސަލައިގައި ގާތްގަނޑަކަށް ދޮޅުމަސް ފަހުން މިިދިޔަ ހަފްތާގެ ތެރޭގައި މަނަދޫން ދެ ޒުވާނަކު ހައްޔަރުކޮށްފައި ވާއިރު، ފުލުހުން މިރޭ މީޑިއާތަކަށް ފޮނުވި މެސެޖެއްގައި ބުނީ ކޯޓު އަމުރެއްގެ ދަށުން މިރޭ މާލޭން ހައްޔަރުކޮށްފައި ވަނީ އުމުރުން 21 އަހަރުގެ ދިވެހި ފިރިހެނެއް ކަމަށެވެ.
ތަފްސީލް - މިކަމާ ގުޅޭ ގޮތުން ފުލުހުން އިތުރު ތަފްސީލެއް ނުދެ އެވެ. ނަމަވެސް، އިތުރުބާރު ހުރި މަސްދަރަކުން 'ދައުރު'އަށް ކަށަވަރުވެފައިވާ ގޮތުގައި، މިރޭ ހައްޔަރުކުރި ޒުވާނާ އަކީ އެ ކާރުގެ ވެރިފަރާތުގެ އިތުރުން، އެ ރޭ އެ ކާރު ދުއްވަން އިން މީހާ ކަމަށް ވެސްވެ އެވެ.
-
ނައީމާ މަރާލި ރޭ، އޭނާ މަރާލުމުގައި އަމަލީ ގޮތުން ބައިވެރިވި ކަމަށް ތުހުމަތުކުރެވިގެން ހައްޔަރުކޮށްފައިވާ ދިވެހި ދެ ފިރިހެނުން ގިނަ އިރުތަކެއް ވާންދެން ކާރެއްގައި ރަށުތެރޭގައި ދުއްވި ކަމަށްވޭ
-
ފުލުހުން ވަނީ ފުރަތަމަ ހައްޔަރުކުރި ދެ މީހުން ލައްވައި ކާރުގައި އުޅުނު ގޮތް މިދިޔަ ހުކުރު ދުވަހުގެ ރޭ އެ ރަށުގައި ކުޅުވާފައި
-
މިހާރު އެ ކާރު އޮތީ ފުލުހުންގެ ބެލުމުގެ ދަށުގައި
ގުޅުން ހުރި ކަމެއް - މީގެ އިތުރުން، ފުލުހުން ވަނީ ނައީމާ މަރާލުމަށް ބޭނުންކުރި ކަމަށް ބެލެވޭ ދެ ވަޅި އާއި އެ ދެ މީހުން އެ ރޭ ލައިގެން އުޅުނު ކަމަށް ބުނާ އަންނައުނު ވެސް ހޯދާފަ އެވެ.
-
އިތުރަށް ކިޔާލަން - ހައްޔަރުކުރީ ޝައްކުވެގެން ފާރަލާތާ ދުވަސްކޮޅެއް ފަހުން ޑްރަގާއެކު
މީގެ ކުރިން ފުލުހުން ވަނީ، ނައިމާ މަރާލާފައި އޮއްވާ ފެނުނު ތަނުން އެހެން މީހެއްގެ ޑީއެންއޭ ވެސް ހޯދާފަ އެވެ. އެއީ ކާކުގެ ޑީއެންއޭއެއްކަން ދެނެގަތުމަށް އެ ރަށުގެ ގިނަ ބައެއްގެ ސާމްޕަލް ވެސް ނަގާފައިވެ އެވެ.
ކޮމެންޓް (4)
ނާގާބިލު
އާއިލީ ރައްޓެއްސެއް
ޔާގޫތު
އަލީ ޝަރީފް