އިޒްރޭލުން އަގްސާ މިސްކިތަށް ވަދެ އަޅުކަންކުރަން ތިބި މީހުންނަށް ހަމަލާދިނުން، ދިވެހި ސަރުކާރުން ކުށްވެރިކޮށްފި

އިޒްރޭލް ސިފައިން އަގްސާ މިސްކިތުގެ ހަރިންމަ ތެރެއަށް ވަދެ، އެ ތަނުގައި އަޅުކަން ކުރަން ތިބި ފަލަސްތީނު މީހުންނަށް ހަމަލާ ދިނުން ދިވެހި ސަރުކާރުން ކުށްވެރިކޮށްފި އެވެ.

ވީ ކިހިނެއް؟ - އިޒްރޭލުގެ ސިފައިން އަގްސާ މިސްކިތަށް ވަދެ، އެ ތަނުގައި އަޅުކަން ކުރަން ތިބި ފަލަސްތީން މީހުންނަށް ހަމަލާދިނީ މިދިޔަ އަންގާރަ ދުވަހުގެ ރޭގެ ވަގުތެއްގަ އެވެ. އެ ހަމަލާތަކުގައި އެ ތަނުގައި ތިބި ފަލަސްތީނުގެ 12 މީހަކަށް އަނިޔާވެފައިިވާ ކަމަށް ބޭރުގެ ނޫސްތަކުން ރިޕޯޓުކޮށްފައިވެ އެވެ.

ތަފްސީލު - ދިވެހި ސަރުކާރުން މިރޭ ނެރުނު ބަޔާނެއްގައި ބުނީ އިޒްރޭލް ސިފައިން އަގްސާ މިސްކިތަށް ވަދެ، އެ ތަނަށް ގެއްލުންދިނުމާއި އަޅުކަންކުރަން ތިބި ފަލަސްތީނު މީހުންނަށް ދިން ހަމަލާ، ހަރުކަށި އިބާރާތުން ކުށްވެރިކުރާ ކަމަށެވެ.

"މިއީ ބައިނަލްއަގްވާމީ ގާނޫނުތަކާއި އދ.ގެ ސެކިއުރިޓީ ކައުންސިލް އަދި އާންމު މަޖިލީހުގެ މުއާހަދާތަކާ ވެސް ހިލާފު އަމަލުތަކެއް. މިފަދަ އަމަލުތަކުގެ ސަބަބުން އެ ސަރަހައްދުގައި ހަމަޖެހުން ގާއިމުކުރުމަށް ކުރާ މަސައްކަތްތަކަށް ހުރަސް އެޅޭ،" ދިވެހި ސަރުކާރުގެ ބަޔާނުގައިވެ އެވެ.

އެ ބަޔާނުގައިވާ ގޮތުގައި:

ސަރުކާރުގެ ބަޔާނުގައި، ފަލަސްތީނު - އިޒްރޭލް މައްސަލައަށް ސުލްހަވެރި ހައްލެއް ލިބޭނީ، 'ޓޫ-ސްޓޭޓް ސޮލިއުޝަން'އަކުން ކަމަށްވެސް ފާހަގަކޮށްފައިވެ އެވެ.