ފްލެޓް އަޅާ އިންޑިއާގެ މަސައްކަތްތެތެރިން ހަޅުތާލުކުރާތާ ހަފްތާއެއް

މި ސަރުކާރުން ހުޅުމާލޭގައި ހިންގާ ބޯހިޔާވަހިކަމުގެ އެއް މަޝްރޫއުގެ މަސައްކަތް ކުރާ އިންޑިއާގެ ޖޭއެމްސީ ކުންފުނީގެ މަސައްކަތްތެރިން މަސައްކަތް ހުއްޓާލުމަށް ފަހު، ހަޅުތާލު ކުރާތާ ހަފްތާއެއްހާ ދުވަސް ވެއްޖެ ކަމަށް އެ މީހުން މިއަދު ބުނެފި އެވެ.

ވީ ކިހިނެއް؟ - މިއަދު 'ދައުރު'ގެ ނޫސްވެރިން ވަނީ އެ މަސައްކަތްތެރިން ދިރިއުޅޭ ތަނަށް ގޮސް އެ މީހުންނާ ވާހަކަދައްކާފަ އެވެ.

ތަފްސީލު - އެ މީހުންގެ އޮތީ މައިގަނޑު ތިން ކަންބޮޑުވުމެކެވެ. އެއީ:

"އަހަރެމެންގެ 2،000 އެއްހާ މުވައްޒަފުން މި ކަންބޮޑުވުންތަކާ ގުޅިގެން މަސައްކަތް ހުއްޓާޅާފައި ހަޅުތާލު ކުރާތާ މިހާރު ހަފްތާއެއް ވެއްޖެ،" ބާބުލް ހާން، 22، ބުންޏެވެ.

އެ މީހުން ބުނި ގޮތުގައި، ރަނގަޅު ކާއެއްޗެއް އެ މީހުންނަށް ނުލިބެ އެވެ.

"އެންމެ ބޮޑު ކަންބޮޑުވުމުކީ، ކުނިވެފައި ހުންނަ ތަރުކާރީ އާއި މޭވާ ކާން މި ލިބެނީ. ތެލުލި ކުކުޅު، ކުކުޅުބިސް މި ހުންނަނީ ކައްކާފައި ފުރިޖަށް ލާފައި. ފުރިޖްގައި ހުންނަތާ ތިން، ހަތަރު ދުވަސް ފަހުން ކާން އެބަ ދޭ އެ އެއްޗެހި،" އެކަކު ބުންޏެވެ.

މަސައްކަތްތެރިންނަށް ކުރިން ހާއްސަ ޑޮކްޓަރެއް ހުރި ނަމަވެސް، މިހާރު ޑޮކްޓަަރކު ވެސް ނެތްކަން އެ މީހުން ފާހަގަކުރި އެވެ. އަދި ދިރިއުޅޭ ތަނުގެ ރައްކާތެރިކަމާ ގުޅޭ ގޮތުން ވެސް އެ މީހުންގެ ކަންބޮޑުވުންތައް ގިނަ އެވެ.

"ދެ ބުރިއަށް ނަގާފައި މި ތަން މި ހުންނަނީ ޑެކް އަޅާފައި. މިހާރު ބޮލަށް ވެއްޓޭ ހިސާބުގައި ބައެއް ދިމަދިމާ ހުންނަނީ. މި ފަހުން އެ ގޮތަށް ވެެއްޓިއްޖެ ދެ ފަހަރަކު،" އެހެން މީހަކު ބުންޏެވެ.

އެ މީހުންގެ ޑީމާންޑަކީ، އެ ކަންބޮޑުވުންތަކަށް ވީހާ ވެސް އަވަހަކަށް ހައްލެއް ގެނެސްދިނުމެވެ. ކެއުމުގެ އިންތިޒާމް ރަނގަޅުކޮށް، އަށް ގަޑިއިރަށް މަސައްކަތް ބަދަލުކުރުމާ އެކު ސިއްހީ ފަރުވާ ލިބޭނެ އިންތިޒާމެއް ހަމަޖެއްސުމެވެ.

"އެހެން ނޫނީ އަހަރެމެން ބޭނުން ވަނީ ކުންފުނީގެ ފަރާތުން އަހަރެމެންނަށް ދޭން ޖެހޭ އެއްޗެއް ދިނުމަށް ފަހު، އަހަރެމެން ރަށަށް ފުރައިގެން ދާން،" ބާބުލް ބުންޏެވެ.