ހުޅުމާލޭގައި މީގެކުރިން ހިނގި އެކްސިޑެންޓެއްގައި ސައިކަލެއް މަގުމައްޗަށް ވެއްޓިފައި -
އައްޑޫގައި އެމްބިއުލާންސަކާއި ސައިކަލެއް ޖެހި އެކްސިޑެންޓެއް ހިނގައި އެކަކަށް ފަރުވާދެނީ
އައްޑޫ ހިތަދޫގައި އެމްބިއުލާންސަކާއި ސައިކަލެއް ޖެހި ނުރައްކާތެރި އެކްސިޑެންޓެއް މިއަދު ހިނގައިފި އެވެ. މި ހާދިސާގައި އަނިޔާވި އެކަމަށް މިހާރު ދަނީ ހޮސްޕިޓަލުގައި ފަރުވާދެމުންނެވެ.
ވީ ކިހިނެއް؟ - އެމްބިއުލާންސަކާއި ސައިކަލެއް ޖެހި، މި އެކްސިޑެންޓު ހިނގިކަމުގެ ރިޕޯޓު ފުލުހުންނަށް ލިބުނީ މިއަދު ހަވީރެވެ.
ފުލުހުން ބުނިގޮތުގައި ސައިކަލު ދުއްވަން އިން މީހާއަށް އަނިޔާވެ އައްޑޫ އިކުއިޓޯރިއަލް ހޮސްޕިޓަލުގައި މިހާރު ދަނީ ފަރުވާދެމުންނެވެ.
ބުނީ ކީކޭ؟ - އައްޑޫ އިކުއެޓޯރިއަލް ހޮސްޕިޓަލުގެ އޮފިޝަލަކު މިރޭ 'ދައުރު' އަށް ވިދަޅުވީ އަނިޔާވެގެން ފަރުވާދެމުން އަންނަނީ 18 އަހަރުގެ ފިރިހެނަކަށް ކަމަށެވެ. އަދި އޭނާގެ ޓެކްސްތައް ހަދަމުން އަންނަ ކަމަށް ބުންޏެވެ.
ފާހަގަކޮށްލެވޭ ކަމެއް- އެކްސިޑެންޓުގެ ފޮޓޯތަކެއް މިހާރު ދައުރުވަމުންދާއިރު، އެމްބިއުލާންސަށް ބޮޑެތި ގެއްލުންތަކެއް ލިބިފައިވާތަން އެ ފޮޓޯތަކުން ފެނެއެވެ.