ހިދުމަތް ލަސްވެދާނެތީ ޓީ-ޖެޓީގެ ފީތައް ކުޑަކުރުން ފަސްކޮށްފި

ޓީ-ޖެޓީގެ ބައެއް ފީތަކަށް ގެނައި ބަދަލުތަކަށް މިހާރު އަމަލުކުރަން ފަށައިފި ނަމަ ހިދުމަތްތައް ލަސްވެދާނެތީ، އާ އަގުތަކަށް އަމަލުކުރުން މަޑުޖައްސާލައިފި އެވެ.

އެނގުން މުހިންމު - ފީތަކަށް ގެނައި ބަދަލާ އެކު ޓީ-ޖެޓީއަށް ވަނުމަށް ނަގާ 10ރ.ގެ ފީ 5ރ.އަށް ކުޑަކުރަން ވަނީ ނިންމާފަ އެވެ.

ވީ ކިހިނެއް؟ - ޓީ-ޖެޓީގެ ބައެއް ފީތަކަށް ބަދަލު ގެނެސް، އާ އަގުތައް އިއުލާންކުރީ މިދިޔަ މަހުގެ 20ގަ އެވެ. އޭރު ނިންމާފައި އޮތީ މި މަހު އެ ބަދަލުތަކަށް އަމަލުކުރަން ފަށާ ގޮތަށެވެ.

ތަފްސީލު - ނަމަވެސް، މިއަދު އެމްޕީއެލްއިން ކުރި އިއުލާނެއްގައި ބުނީ ފީތަކަށް ގެނައި ބަދަލަށް އަމަލުކުރަން ފެށުން ފަސްކޮށްފައިވާ ކަމަށެވެ.

"... މި ގެނެވުނު ބަދަލާ ގުޅިގެން ހިދުމަތްތައް ލަސްނުވާނެ ފަދަ އިންތިޒާމްތަކެއް ހަމަޖެއްސުމުގެ ގޮތުން އާ ޓެރިފަށް އަމަލު ކުރުން 2 މާޗު 2023 ވަނަ ދުވަހުން ފެށިގެން މަޑުޖައްސާލެވިފައިވާ ކަމުގައި ދެންނެވީމެވެ،" އެ އިއުލާނުގައިވެ އެވެ.

ފީތަކަށް ގެނައި ބަދަލަށް އަމަލުކުރަން ފަށާނެ ވަކި ތާރީހެއް އެމްޕީއެލްއިން ނުބުނެ އެވެ.