މީހަކު ޑޮލަރުތަކެއް ގުނަނީ. (ފޮޓޯ/ބީއެމްއެލް)
ފުޅާ ދާއިރާއެއްގައި ވަގު ޑޮލަރުން ވިޔަފާރިކުރި 2 މީހަކު ހައްޔަރުކޮށްފި
ސައްހަ ނޫން ޑޮލަރުން ވިޔަފާރީގެ މުއާމަލާތްތައް ފުޅާ ދާއިރާއެއްގައި ކުރަމުންދިޔަ ކަމަށް ބެލެވޭ ދެ މީހަކު ރޭ ހައްޔަރުކޮށްފި އެވެ.
ވީ ކިހިނެއް؟ - ފުލުހުން މިއަދު ބުނީ އެ ދެ މީހުން ހައްޔަރުކޮށްފައިވަނީ ފުލުހުންގެ އިކޮނޮމިކް ކްރައިމް ޑިޕާޓްމަންޓާއި އިންޓެލިޖެންސް ގުޅިގެން ހިންގި އޮޕަރޭޝަނެއްގައި ރޭގެ ވަގުތެއްގައި ހުޅުމާލެއިން ކަމަށެވެ.
ތަފްސީލް - އެ އޮޕަރޭޝަނުގައި:
-
އެ ދެ މީހުން ހައްޔަރުކޮށްފައި ވަނީ ހުޅުމާލޭ މަގުމަތިން
-
އެއީ 23 އަހަރުގެ ދިވެހި ފިރިހެނަކާއި 24 އަހަރުގެ ދިވެހި އަންހެނެއް
-
ބަންދާ މެދު ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް މިއަދު ހާޒިރުކުރުމުން، އެ ދެ މީހުންގެ ބަންދަށް ފަސް ދުވަސް ދީފައިވޭ
"އިކޮނޮމިކް ކްރައިމް ޑިޕާޓްމަންޓުން މި މައްސަލަ ގެންދަނީ ތަހުގީގުކުރަމުން،" ފުލުހުންގެ ބަޔާނުގައިވެ އެވެ.